കുരങ്ങുവസൂരി: മെക്സിക്കോയിൽ 60 കേസുകൾ സ്ഥിരീകരിച്ചു

മെക്‌സിക്കോയിൽ കുരങ്ങുവസൂരി സ്ഥിരീകരിച്ചവരുടെ എണ്ണം 60 ആയി. ചൊവ്വാഴ്ച പ്രിവൻഷൻ ആൻഡ് ഹെൽത്ത് പ്രൊമോഷൻ അണ്ടർസെക്രട്ടറിയാണ് ഇക്കാര്യം അറിയിച്ചത്. നിലവിൽ മരണങ്ങളൊന്നും റിപ്പോർട്ട് ചെയ്യപ്പെട്ടിട്ടില്ലെന്ന് ലോപ്പസ് ഗാറ്റെൽ പറഞ്ഞു.

ആറു പേരെ മാത്രമേ ആശുപത്രിയിൽ പ്രവേശിപ്പിച്ചിട്ടുള്ളൂ. ഏകദേശം 21 ദിവസത്തിനുള്ളിൽ രോഗികൾ സുഖം പ്രാപിക്കുന്നുണ്ടെന്നും അധികൃതർ പറയുന്നു. അതേസമയം കുരങ്ങുവസൂരി കേസുകൾ 11 മെക്സിക്കൻ നഗരങ്ങളിൽ കണ്ടെത്തിയിട്ടുണ്ട്.

ലോകാരോഗ്യ സംഘടന പുറത്തുവിട്ട ഏറ്റവും പുതിയ കണക്കുകൾ പ്രകാരം, 75 രാജ്യങ്ങളിൽ 16,000-ലധികം കുരങ്ങുവസൂരി കേസുകളും അഞ്ച് മരണങ്ങളും റിപ്പോർട്ട് ചെയ്യപ്പെട്ടിട്ടുണ്ട്.

Story Highlights: Mexico confirms 60 monkeypox cases