Advertisement

രാജസ്ഥാനിൽ മിഗ്-21 യുദ്ധവിമാനം തകർന്നുവീണു

July 28, 2022
Google News 2 minutes Read

ഇന്ത്യൻ വ്യോമസേനയുടെ (ഐഎഎഫ്) മിഗ്-21 യുദ്ധവിമാനം തകർന്നു വീണു. വ്യാഴാഴ്ച രാത്രി ഒമ്പത് മണിയോടെ രാജസ്ഥാനിലെ ബാർമറിലാണ് അപകടം. ഔദ്യോഗിക സ്ഥിരീകരണം വന്നിട്ടില്ലെങ്കിലും രണ്ട് പൈലറ്റുമാരും മരിച്ചതായി റിപ്പോർട്ടുണ്ട്. ഭീംദ ഗ്രാമത്തിലാണ് വിമാനം തകർന്നുവീണത്. അപകടത്തെ തുടർന്ന് വിമാനത്തിന് തീപിടിച്ചു. അവശിഷ്ടങ്ങൾ അര കിലോമീറ്റർ ചുറ്റളവിൽ ചിതറിക്കിടക്കുകയാണ്.

സംഭവത്തിന്റെ വീഡിയോകൾ പുറത്തുവന്നിട്ടുണ്ട്. ഭരണകൂടത്തോടൊപ്പം നാട്ടുകാരും രക്ഷാപ്രവർത്തനത്തിൽ ഏർപ്പെട്ടിരിക്കുകയാണ്. ഇതാദ്യമായല്ല വ്യോമസേനയുടെ വിമാനം അപകടത്തിൽപ്പെടുന്നത്. കഴിഞ്ഞ വർഷം ഡിസംബർ 24ന് രാജസ്ഥാനിലെ ജയ്‌സാൽമീറിന് സമീപം തകർന്നുവീണിരുന്നു. പൈലറ്റ് വിംഗ് കമാൻഡർ ഹർഷിത് സിൻഹ അപകടത്തിൽ മരിച്ചത്. സുദാസരി ഡെസേർട്ട് നാഷണൽ പാർക്കിലും പാക്ക് അതിർത്തിക്കടുത്തുമാണ് ജെറ്റ് വീണത്.

നേരത്തെ 2021 ഓഗസ്റ്റിൽ ഒരു മിഗ്-21 വിമാനം ബാർമറിൽ തകർന്നുവീണിരുന്നു. ഫൈറ്റർ ജെറ്റ് പരിശീലന വിമാനത്തിലായിരുന്നു അത്. പറന്നുയർന്നതിന് ശേഷം സാങ്കേതിക തകരാർ ഉണ്ടായതിനെ തുടർന്ന് വിമാനം ഒരു കുടിലിൽ വീഴുകയായിരുന്നു. വിമാനം തകരുന്നതിന് മുമ്പ് പൈലറ്റ് സ്വയം പുറത്തുപോയിരുന്നു.

Story Highlights: IAF’s MiG-21 fighter aircraft crashes near Rajasthan’s Barmer district

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here