ഗൗതം അദാനിക്ക് ‘ഇസഡ്’ സുരക്ഷ നൽകി കേന്ദ്ര സർക്കാർ

ശതകോടീശ്വരനും അദാനി ഗ്രൂപ്പ് ചെയർമാനുമായ ഗൗതം അദാനിക്ക് ‘ഇസഡ്’ കാറ്റഗറി സുരക്ഷ അനുവദിച്ച് കേന്ദ്ര സർക്കാർ. കേന്ദ്ര സുരക്ഷാ വിഭാഗം നൽകിയ റിപ്പോർട്ടിന്റെ അടിസ്ഥാനത്തിലാണ് അദാനിക്ക് സുരക്ഷ നൽകാൻ തീരുമാനമായത്. ( gautam adani gets z category protection )

പണം ഈടാക്കിയാകും സുരക്ഷ നൽകുക. പ്രതിമാസം 15 ലക്ഷം മുതൽ 20 ലക്ഷം രൂപയാകും ഈടാക്കുക. സിആർപിഎഫിനോട് അദാനിക്ക് സുരക്ഷ നൽകാനുള്ള ഉത്തരവ് കേന്ദ്ര ആഭ്യന്തര മന്ത്രാലയം നൽകി കഴിഞ്ഞു.

2013 ൽ കേന്ദ്ര സർക്കാർ റിലയൻസ് ചെയർമാൻ മുകേഷ് അംബാനിക്ക് ഇസഡ് പ്ലസ് സുരക്ഷ നൽകിയിരുന്നു.

Story Highlights: gautam adani gets z category protection