Advertisement

ഇടവേളകളില്‍ ചിപ്‌സും സോഡയും; ജീവനക്കാര്‍ക്ക് ഭക്ഷണം എത്തിച്ചു നല്‍കാന്‍ റോബോട്ടുമായി ഗൂഗിള്‍

August 19, 2022
2 minutes Read
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

ഭക്ഷണം പാകം ചെയ്യാനും വിളമ്പാനുമെല്ലാം റോബോട്ടുകൾ കളത്തിലിറങ്ങിക്കഴിഞ്ഞു. ഇപ്പോഴിതാ തങ്ങളുടെ ജീവനക്കാര്‍ക്ക് ഇടവേളകളില്‍ ചിപ്‌സും സോഡയും എത്തിച്ചു നല്‍കുന്നതിന് റോബോട്ടിനെ ഏര്‍പ്പെടുത്തിയിരിക്കുകയാണ് ടെക് ഭീമന്‍ ഗൂഗിള്‍. ലളിതമായ നിര്‍ദേശങ്ങള്‍ക്കനുസരിച്ച് പ്രവര്‍ത്തിക്കാന്‍ ഈ റോബോട്ടിന് കഴിയും. ഒപ്പം വിര്‍ച്വല്‍ ചാറ്റ്ബോട്ടിന് സമാനമായി സംഭാഷണം നടത്താനും ‘മെക്കാനിക്കല്‍ വെയ്റ്റര്‍’ എന്നറിയപ്പെടുന്ന ഈ റോബോട്ടിന് കഴിയും.

ബ്രേക്ക് റൂമില്‍ നിന്ന് സ്‌നാക്‌സും സോഡയും എടുത്ത് കൊണ്ടുവരുന്നത് അടക്കമുള്ള വിവിധ ജോലികള്‍ ചെയ്യുന്നതിനും നിര്‍മിത ബുദ്ധി സംയോജിപ്പിച്ചാണ് ഈ റോബോട്ടുകളുടെ പ്രവര്‍ത്തനം. വിക്കിപീഡിയ, സാമൂഹിക മാധ്യമം തുടങ്ങിവ ഉപയോഗിക്കാനുള്ള കഴിവും ഇവയില്‍ ഉള്‍ക്കൊള്ളിച്ചിട്ടുണ്ട്.

Read Also: നിയമം തെറ്റിച്ച് കരുനീക്കി; ചെസ് മത്സരത്തിനിടെ കുട്ടിത്താരത്തിന്റെ വിരലൊടിച്ച് റോബോട്ട്: വിഡിയോ

ഗൂഗിളിന്റെ മാതൃസ്ഥാപനമായ ആല്‍ഫബെറ്റ് ഇന്‍കോര്‍പ്പറേഷന്റെ സഹസ്ഥാപനമായ ‘എവരിഡെ റോബോട്‌സ്’ ആണ് ഈ റോബോട്ടിനെ വികസിപ്പിച്ചെടുത്തത്. നിലവില്‍ സ്‌നാക്‌സും മറ്റും വിതരണം ചെയ്യുന്നതിനു വേണ്ടി മാത്രമാണ് ഈ റോബോട്ടിനെ ഉപയോഗപ്പെടുത്തിയിരിക്കുന്നത്.

Story Highlights: Google Demos Robots That Fetch Soda And Chips For Employees

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement