നാട്ടിലെത്താൻ ഒമാൻ എയർപോർട്ടിലേക്ക് പോയ മലയാളി ദേഹാസ്വാസ്ഥ്യം മൂലം മരിച്ചു

ഒമാനിലെ എയർപോർട്ടിലേക്ക് പോകും വഴി അസുഖം കൂടിയ മലയാളി ആശുപത്രിയിൽ വെച്ച് മരിച്ചു. പനിയും പ്രമേഹവും മൂർഛിച്ചതിനെ തുടർന്ന്​ ചികിത്സയ്ക്കായി നാട്ടിലേക്ക്​ വരുന്നതിനിടെയാണ് അസുഖം കൂടിയത്. കൊടുങ്ങല്ലൂർ പുല്ലൂറ്റ്​ കോതയിൽ വീട്ടിൽ കെ.ജി. രാഹുൽ (35) ആണ്​ മരിച്ചത്​. ​ ( Malayali youth died in Oman due to illness )

Read Also: സൗദി ജിസാനിൽ വാഹനാപകടം; മലപ്പുറം സ്വദേശികളായ സഹോദരങ്ങൾ മരിച്ചു

എയർപോർട്ടിലേക്കുള്ള യാത്രാമദ്ധ്യേ ഇദ്ദേഹത്തിന്റെ ആരോ​ഗ്യനില വഷളാവുകയായിരുന്നു. തുടർന്ന്​ ആശുപത്രിയിൽ​ പ്രവേശിപ്പിച്ച ശേഷമാണ് ഇദ്ദേഹം മരിക്കുന്നത്. ഒമാനിലെ നിർമ്മാണ മേഖലയിലെ തൊഴിലാളിയായിരുന്നു കെ.ജി. രാഹുൽ.

നാട്ടിലേക്ക്​ പോകാനായി എയർപോർട്ടിലേക്ക്​ യാത്ര ചെയ്യു​മ്പോൾ ക്ഷീണം അനുഭവപ്പെടുകയും നിസ്​വ ആശുപത്രിയിൽ പ്രവേശിപ്പിക്കുകയുമായിരുന്നു. ആരോ​ഗ്യനില തീർത്തും മോശമായതിനെ തുടർന്ന്​ ഐ.സി.യുവിൽ പ്രവേശിപ്പിച്ചിരുന്നു. അതിനിടെയാണ് മരണം സംഭവിച്ചത്.

Story Highlights: Malayali youth died in Oman due to illness