പാലക്കാട് ശക്തമായ മഴ; മലമ്പുഴ മേഖലയില്‍ നിരവധി വീടുകളില്‍ വെളളം കയറി

പാലക്കാട് ശക്തമായ മഴ. മലമ്പുഴ മേഖലയില്‍ നിരവധി വീടുകളില്‍ വെളളം കയറി. മലവെളളപ്പാച്ചിലിനെ തുടർന്ന് തോടുകൾ കരകവിഞ്ഞ് ഒഴുകുകയാണ് ( Heavy rain in Palakkad ).

വനത്തിനകത്ത് ഉരുള്‍പൊട്ടിയതായും സംശയമുണ്ട്. നഗരത്തിലെ പറക്കുന്നം മന്നത്ത് എട്ട് വീടുകളില്‍ വെളളം കയറി. പുതുപരിയാരത്ത് രണ്ട് വീടുകളിലും വെളളം കയറി.

ജില്ലയിൽ പ്രത്യേകിച്ച് മലമ്പുഴ, പുതുപ്പരിയാരം, അകത്തേത്തറ എന്നിവിടങ്ങളിൽ തുടർന്നുള്ള മണിക്കൂറുകളിൽ മഴ കനക്കാൻ സാധ്യത ഉള്ളതിനാൽ ജാഗ്രത പാലിക്കണമെന്ന് ജില്ലാ കലക്ടർ അറിയിച്ചു. അനാവശ്യ യാത്രകൾ ഒഴിവാക്കാനും ജില്ല കലക്ടറുടെ നിർദ്ദേശമുണ്ട്.

Story Highlights: Heavy rain in Palakkad