ഗുരുവിന്റെ നവോത്ഥാന ചിന്തകള് ഉഴുതുമറിച്ച കേരളത്തില് അതിന് തുടര്ച്ച നല്കിയത് കമ്മ്യൂണിസ്റ്റ് പ്രസ്ഥാനം: പിണറായി വിജയന്
ശ്രീനാരായണ ഗുരുവിന്റെ മറ്റൊരു ജന്മദിനത്തെക്കൂടി വരവേല്ക്കാന് നാട് തയാറെടുക്കുന്ന പശ്ചാത്തലത്തില് ശ്രീനാരായണ ഗുരു ജയന്തി ആശംസയുമായി മുഖ്യമന്ത്രി പിണറായി വിജയന്. ഗുരുവിന്റേതുള്പ്പെടെയുള്ള നവോത്ഥാന ചിന്തകള് ഉഴുതുമറിച്ച കേരളത്തില് അതിന് തുടര്ച്ച നല്കിയത് കമ്മ്യൂണിസ്റ്റ് പ്രസ്ഥാനമാണെന്ന് മുഖ്യമന്ത്രി പ്രസ്താവിച്ചു. കേരളത്തിന്റെ യശസ്സിന്റെയും ഉന്നതിയുടെയും അടിത്തറ ആ തുടര്ച്ചയിലാണ്. നമ്മുടെ പ്രയാണം ഇനിയും മുന്നേറേണ്ടതുണ്ടെന്നും മുഖ്യമന്ത്രി കൂട്ടിച്ചേര്ത്തു. (cm pinarayi vijayan sreenarayana guru birthday message)
‘ജാതി മത ചിന്തകളും അനാചാരങ്ങളും അന്ധവിശ്വാസങ്ങളും കൊടികുത്തിവാണ സമൂഹത്തില് നവോത്ഥാനത്തിന്റെ വെട്ടം വിതറിയ ശ്രീനാരായണ ഗുരുവിന്റെ ജന്മദിനമാണ് ശനിയാഴ്ച.സംഘടിച്ച് ശക്തരാകുവാനും വിദ്യകൊണ്ട് പ്രബുദ്ധരാകുവാനുമാണ് ഗുരു ആഹ്വാനം ചെയ്തത്. ആ ഇടപെടലുകളും ദര്ശനവും സമൂഹത്തിലാകെ അനുരണനം സൃഷ്ടിച്ചു. സവര്ണ്ണ മേല്ക്കോയ്മായുക്തികളെ ചോദ്യം ചെയ്താണ് ഗുരു സാമൂഹ്യ പരിഷ്ക്കരണ പോരാട്ടങ്ങള്ക്ക് തുടക്കമിട്ടത്. നവോത്ഥാന കേരളത്തിന്റെ കണ്ണാടിയാണ് ഗുരുദര്ശനം.’ പിണറായി വിജയന് പറഞ്ഞു.
Read Also: മോട്ടോർ വെഹിക്കിൾ ഇൻസ്പെക്ടർമാരുടെ ട്രാൻസ്ഫർ വൈകുന്നു; അഴിമതിക്കാരെ സംരക്ഷിക്കാനെന്ന് ആക്ഷേപം
ഗുരു വിഭാവനം ചെയ്ത സമൂഹമായി മാറാന് ഇനിയും ബഹുദൂരം പോകണമെന്ന് മുഖ്യമന്ത്രി ഓര്മിപ്പിച്ചു. വഴിയില് വര്ഗ്ഗീയതയും ജാതീയതയും വിദ്വേഷരാഷ്ട്രീയവും വെല്ലുവിളികളായി നിലനില്ക്കുന്നു.ഈ വെല്ലുവിളികളെ മറികടന്ന് മുന്നേറാന് നമുക്ക് കഴിയണം. മാനവിക ഐക്യത്തെ ശിഥിലീകരിക്കാന് സങ്കുചിത താല്പര്യങ്ങളെ അനുവദിച്ചുകൂടാ. ഗുരു ചിന്തയും ഗുരുവിന്റെ പോരാട്ട ചരിതവും നമുക്ക് വറ്റാത്ത ഊര്ജമാണെന്നും മുഖ്യമന്ത്രി കൂട്ടിച്ചേര്ത്തു.
Story Highlights: cm pinarayi vijayan sreenarayana guru birthday message
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here