ബംഗാള് ഉള്ക്കടലില് ന്യൂനമര്ദം രൂപപ്പെട്ടു; ഒറ്റപ്പെട്ടയിടങ്ങളില് മഴ കനക്കും
ബംഗാള് ഉള്ക്കടലില് ന്യൂനമര്ദം രൂപപ്പെട്ടതിന്റ സ്വാധീനഫലമായി കേരളത്തില് അടുത്ത നാല് ദിവസം ഇടവിട്ടുള്ള മഴ തുടരുമെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. മധ്യ പടിഞ്ഞാറന് ഉള്ക്കടലില് രൂപം കൊണ്ട ന്യൂനമര്ദം അടുത്ത 48 മണിക്കൂറിനുള്ളില് ആന്ധ്രാ ഒഡിഷ തീരത്തിന് സമീപം എത്തിയേക്കും. ആന്ധ്രാതീരത്ത് എത്തുന്ന ന്യൂനമര്ദം ശക്തിപ്രാപിച്ചേക്കുമെന്ന് കാലാവസ്ഥാ നിരീക്ഷണ കേന്ദ്രം അറിയിക്കുന്നു. (heavy rain kerala yellow alert in six districts)
കനത്ത മഴയുണ്ടാകാനുള്ള സാധ്യത കണക്കിലെടുത്ത് ഇന്ന് ആറ് ജില്ലകളില് യെല്ലോ അലേര്ട്ട് പ്രഖ്യാപിച്ചിട്ടുണ്ട്. തൃശൂര്, പാലക്കാട്, മലപ്പുറം, കോഴിക്കോട്, കണ്ണൂര്, കാസര്ഗോഡ് എന്നീ ജില്ലകളിലാണ് ഇന്ന് യെല്ലോ അലേര്ട്ടുള്ളത്. ശനിയാഴ്ച തൃശൂര്, മലപ്പുറം, കോഴിക്കോട്, കണ്ണൂര്, കാസര്ഗോഡ് ജില്ലകളിലും ഞായര് മലപ്പുറം, കോഴിക്കോട്, കണ്ണൂര്, കാസര്ഗോഡ് ജില്ലകളിലും യെല്ലോ അലേര്ട്ടാണ്. തിങ്കളാഴ്ച കോഴിക്കോട്, കണ്ണൂര്, കാസര്ഗോഡ് ജില്ലകളില് യെല്ലോ അലേര്ട്ട് പ്രഖ്യാപിച്ചു.
Story Highlights: heavy rain kerala yellow alert in six districts
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here