പൊരിഞ്ഞ ലേലം; ഒരു ലഡ്ഡു വിറ്റത് 24 ലക്ഷം രൂപയ്ക്ക്

ലേലം വിളിയിൽ റെക്കോർഡിന് സാക്ഷ്യം വഹിച്ച് ഹൈദരാബാദ്. ഗണേശ ലഡ്ഡു വിറ്റ് പോയത് 24.60 ലക്ഷം രൂപയ്ക്ക്. ( laddu auctioned for 24 lakh )

പത്ത് ദിവസത്തെ ഗണേശ ഉത്സവത്തിന് വിരാമമിട്ടുകൊണ്ട് ചൊവ്വാഴ്ച നടന്ന ലേലത്തിലാണ് 21 കിലോഗ്രാം ഭാരം വരുന്ന ഭീമൻ ലഡ്ഡു 24 ലക്ഷം രൂപയ്ക്ക് വിറ്റ് പോയത്. 9 പേരാണ് ലേലത്തിൽ പങ്കെടുത്തത് 20 ലക്ഷം രൂപയാണ് ബലാപൂർ ഉത്സവ സമിതി പ്രതീക്ഷിച്ചിരുന്നത്. വെങ്കടി ലക്ഷ്മി റെഡ്ഡിയാണ് ലേലം പിടിച്ചത്.

Read Also: ഇടുക്കിയിൽ ഒരു മത്തങ്ങയ്ക്ക് വില 47,000 രൂപ !

‘വർഷങ്ങളായി ലഡ്ഡു ലേലത്തിൽ പിടിക്കാൻ കാത്തിരിക്കുകയാണ് ഞാൻ. ഒടുവിൽ ആ ദിവസം വന്നെത്തി. എല്ലാം ഭഗവാൻ ഗണേശന്റെ അനുഗ്രഹം. ഈ ലഡ്ഡു സുഹൃത്തുക്കൾക്കും കുടുംബങ്ങൾക്കും വിതരണം ചെയ്യും’- റെഡ്ഡി പറഞ്ഞു.

Read Also: ഉത്രാടത്തിന് റെക്കോർഡ് മദ്യ വിൽപ്പന; ഏറ്റവും കൂടുതൽ മദ്യം വിറ്റത് കൊല്ലത്ത്

ആദ്യമായി ഈ ലഡ്ഡു ലേലം ചെയ്തത് 450 രൂപയ്ക്കായിരുന്നു. പിന്നീട് 2020 ൽ കൊവിഡ് മഹാമാരിയെ തുടർന്ന് ലഡ്ഡു ലേലം ചെയ്യാതെ മുഖ്യമന്ത്രി കെ.ചന്ദ്രശേഖർ റാവുവിന് കൈമാറുകയായിരുന്ന. 2021 ൽ വൈഎസ്ആർസിപി നേതാവ് ആർവി രമേശ് റെഡ്ഡി 18.9 ലക്ഷം രൂപയ്ക്ക് ലഡ്ഡു സ്വന്തമാക്കുകയായിരുന്നു.

Story Highlights: laddu auctioned for 24 lakh