ഡ്യുറൻഡ് കപ്പ്: സെൽഫ് ഗോളിൽ ഹൈദരാബാദിനെ വീഴ്ത്തി ബെംഗളൂരു ഫൈനലിൽ

ഡ്യുറൻഡ് കപ്പിൽ കലാശപ്പോരിലേക്ക് ടിക്കറ്റെടുത്ത് ബെംഗളൂരു എഫ്സി. ഇന്ന് നടന്ന സെമിഫൈനലിൽ ഹൈദരാബാദ് എഫ്സിയെ ഏകപക്ഷീയമായ ഒരു ഗോളിനു മറികടന്നാണ് ബെംഗളൂരു ഫൈനൽ പ്രവേശനം നേടിയത്. 31ആം മിനിട്ടിൽ ബെംഗളൂരു താരം പ്രബീർ ദാസ് നൽകിയ ക്രോസ് ഹൈദരാബാദ് താരം ഒഡേയ് സബാല സ്വന്തം വലയിലേക്ക് തിരിച്ചുവിടുകയായിരുന്നു. ഗോൾ മടക്കാൻ ഹൈദരാബാദ് കിണഞ്ഞുശ്രമിച്ചെങ്കിലും പഴുതടച്ച പ്രതിരോധം തീർത്ത ബെംഗളൂരു ജയവും ഫൈനൽ പ്രവേശനവും നേടുകയായിരുന്നു. ഈ മാസം 18നു നടക്കുന്ന ഫൈനലിൽ ബെംഗളൂരു മുംബൈ സിറ്റി എഫ്സിയെ നേരിടും. ഐലീഗ് ക്ലബ് മൊഹമ്മദനെയാണ് മുംബൈ സെമിയിൽ കീഴടക്കിയത്.

Story Highlights: durand cup bengaluru won hyderabad