കൂട്ടിനുള്ളിൽ കയറി ആടിനെ വിഴുങ്ങി; 80 കിലോയുള്ള പെരുമ്പാമ്പിനെ പിടികൂടി അഗ്നിശമന സേന…
ഞൊടിയിടയിലാണ് സോഷ്യൽ മീഡിയയിൽ ദൃശ്യങ്ങളും വിഡിയോയുമെല്ലാം ശ്രദ്ധനേടുന്നത്. മൃഗങ്ങളുടെയും പക്ഷികളുടെയും കുഞ്ഞുങ്ങളുടെയും അത്തരം നിരവധി വീഡിയോകൾ ദിവസവും നമ്മൾ സോഷ്യൽ മീഡിയയിൽ കാണാറുണ്ട്. അങ്ങനെ ഒരു വിഡിയോയാണ് ഇപ്പോൾ സോഷ്യൽ മീഡിയയിൽ ശ്രദ്ധനേടുന്നത്. പെരുമ്പാമ്പ് ഒരു ആടിനെ ഒന്നോടെ വിഴുങ്ങുന്നതാണ് വീഡിയോ. മലേഷ്യയിലെ ജോഹർ എന്ന സ്ഥലത്താണ് സംഭവം നടന്നത്.
ആടിന്റെ കൂട്ടിൽ കയറിയാണ് പെരുമ്പാമ്പ് അതിനെ അകത്താക്കിയത്. അകത്താക്കിയ ശേഷം അനങ്ങാനാകാതെ കിടക്കുകയായിരുന്നു പെരുമ്പാമ്പ്. വീട്ടുടമ വന്നു നോക്കിയപ്പോഴാണ് സംഭവം കണ്ടത്. തുടർന്ന് ഇവിടെയെത്തിയ അഗ്നിശമനസേനാ ഉദ്യോഗസ്ഥരാണ് പാമ്പിനെ പിടികൂടി പുറത്തെത്തിച്ചത്. ആറ് മീറ്റർ നീളവും 80 കിലോയോളം തൂക്കവുമുള്ള പാമ്പിനെ 7 അഗ്നിശമനസേന ജീവനക്കാർ ചേർന്നാണ് പിടികൂടിയത്.
[VIDEO] Seramai 7 anggota bomba mengangkat 80kg ular sawa kekeyangan makan seekor kambing di Felda Inas di Kulai, Johor hari ini pic.twitter.com/GpptbvKYXY
— Kosmo! Online (@kosmo_online) September 28, 2022
പുറത്തെത്തിച്ചതോടെ പാമ്പ് ആടിനെ പുറത്തേക്ക് ഛർദിക്കാൻ തുടങ്ങി. വിഴുങ്ങിയ ആടിന്റെ കാലുകൾ പുറത്തുവന്നതോടെ സുരക്ഷാജീവനക്കാരിലൊരാൾ ആടിന്റെ കാലിൽ പിടിച്ച് പിന്നോട്ട് വലിച്ചു. ഇതോടെ വിഴുങ്ങിയ ആടിന്റെ ഭൂരിഭാഗവും പുറത്തെത്തി.ഏറെ കരുതലോടെയാണ് പാമ്പിന്റെ വായിൽ നിന്നും ആടിനെ പുറത്തെടുത്തത്. പാമ്പിനെ പിന്നീട് സമീപത്തുള്ള വനത്തിൽ കൊണ്ടുപോയി സുരക്ഷിതമായി ഉപേക്ഷിച്ചു.
Story Highlights: Bomba caught 80kg python after it swallowed goat at Felda in Johor
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here