ഉമ്രാൻ മാലിക്ക് ലോകകപ്പിൽ കളിക്കണമെന്ന് ബ്രെറ്റ് ലീ

യുവ പേസർ ഉമ്രാൻ മാലിക്ക് ഇന്ത്യക്കായി ടി-20 ലോകകപ്പിൽ കളിക്കണമെന്ന് ഓസ്ട്രേലിയയുടെ മുൻ താരം ബ്രെറ്റ് ലീ. ഉമ്രാൻ്റെ പേസ് ഓസ്ട്രേലിയയിൽ ഗുണം ചെയ്യുമെന്നും ബ്രെറ്റ് ലീ പറഞ്ഞു. 22കാരനായ താരം ഇന്ത്യക്കായി നേരത്തെ അരങ്ങേറിയിരുന്നു. കളിച്ച മൂന്ന് ടി-20കളിൽ 12.44 എക്കോണമിയിൽ 2 വിക്കറ്റുകളാണ് താരം നേടിയത്.

അതേസമയം, ദക്ഷിണാഫ്രിക്കക്കെതിരായ ഇന്ത്യയുടെ ആദ്യ ഏകദിനം വൈകുന്നു. നേരത്തെ പെയ്ത മഴയിൽ ഔട്ട്ഫീൽഡ് നനഞ്ഞതിനാലാണ് കളി വൈകുന്നത്. ഇതുവരെ ടോസ് പോലും ഇട്ടിട്ടില്ല. ഇന്ന് ഉച്ചക്ക് 1.30നാണ് മത്സരം ആരംഭിക്കേണ്ടിയിരുന്നത്. എന്നാൽ, നനഞ്ഞ ഔട്ട്ഫീൽഡും മഴയും കാരണം കളി വൈകുകയായിരുന്നു. പിച്ച് മൂടിയിരുന്ന കവറുകൾ നിലവിൽ മാറ്റിയിട്ടുണ്ട്. മത്സരം ഏറെ വൈകാതെ ആരംഭിക്കുമെന്നാണ് വിവരം.

ഇന്ത്യയെ വെറ്ററൻ താരം ശിഖർ ധവാൻ നയിക്കുമ്പോൾ ശ്രേയസ് അയ്യർ വൈസ് ക്യാപ്റ്റനാകും. മലയാളി താരം സഞ്ജു സാംസണും ഇഷാൻ കിഷനും വിക്കറ്റ് കീപ്പർമാരായി ടീമിലുണ്ട്. പേസർ മുകേഷ് കുമാർ, ബാറ്റർ രജത് പാട്ടീദാർ എന്നിവരാണ് ടീമിലെ പുതുമുഖങ്ങൾ.

Story Highlights: umran malik t20 world cup brett lee