ഹാരി കെയിൻ നയിക്കും; തകർപ്പൻ ടീമുമായി ഇംഗ്ലണ്ട് ഖത്തറിലേക്ക്

ഖത്തർ ലോകകപ്പിനുള്ള ഇംഗ്ലണ്ട് ടീമിനെ പ്രഖ്യാപിച്ച് പരിശീലകൻ ഗാരത് സൗത്ത്ഗേറ്റ്. 26 അംഗ ടീമിനെയാണ് സൗത്ത്ഗേറ്റ് പ്രഖ്യാപിച്ചത്. ടോട്ടനത്തിൻ്റെ ഹാരി കെയിൻ ഇംഗ്ലണ്ടിനെ നയിക്കും. പ്രീമിയർ ലീഗിലെ പ്രമുഖ താരങ്ങളൊക്കെ ഉൾപ്പെടുന്ന ടീമിന് കിരീടസാധ്യത കല്പിക്കപ്പെടുന്നുണ്ട്. ഇറാൻ, അമേരിക്ക, വെയ്ൽസ് എന്നീ ടീമുകൾക്കൊപ്പം ഗ്രൂപ്പ് ബിയിലാണ് ഇംഗ്ലണ്ട് ഉൾപ്പെട്ടിരിക്കുന്നത്. നവംബർ 21ന് ഇറാനുമായാണ് ഇംഗ്ലണ്ടിന്റെ ആദ്യ മത്സരം. 25ന് അമേരിക്കയെയും 29ന് വെയിൽസിനെയും ഇംഗ്ലണ്ട് നേരിടും. (england qatar world cup)

Read Also: അഞ്ച് വർഷങ്ങൾക്കു ശേഷം ഗോട്സെ ടീമിൽ; ഖത്തർ ലോകകപ്പിനുള്ള ജർമൻ ടീം പ്രഖ്യാപിച്ചു

Your #ThreeLions squad for the @FIFAWorldCup! 🦁 pic.twitter.com/z6gVkRTlT3

— England (@England) November 10, 2022

ജോർഡൻ പിക്ക്ഫോർഡ്, ഹാരി മഗ്വയർ, ട്രെൻഡ് അർനോൾഡ്, ജൂഡ് ബെല്ലിങ്ങ്ഹാം, കെയിൽ വാക്കർ, മേസൻ മൗണ്ട്, കാൽവിൻ ഫിലിപ്സ്, മാർക്കസ് റാഷ്ഫോർഡ്, റഹീം സ്റ്റെർലിങ്ങ്, ബുകായോ സാക, ഫിൽ ഫോഡൻ തുടങ്ങി പ്രമുഖ താരങ്ങളൊക്കെ ടീമിലുണ്ട്. പരുക്കേറ്റ റീസ് ജെയിംസും ബെൻ ചിൽവെലും ടീമിൽ ഉൾപ്പെട്ടില്ല. താമി എബ്രഹാം, ജേഡൻ സാഞ്ചോ എന്നിവരും ടീമിലില്ല.

Read Also: Qatar World Cup ഖത്തര്‍ ലോകകപ്പിനുള്ള ഫ്രാന്‍സ് ടീമിനെ പ്രഖ്യാപിച്ചു

ഇംഗ്ലണ്ട് ടീം

ഗോൾകീപ്പർമാർ: ജോർഡൻ പിക്‌ഫോർഡ്, ആരോൺ രാംസ്‌ഡേൽ, നിക്ക് പോപ്

പ്രതിരോധനിര: കിരയൻ ട്രിപ്പർ, ട്രെൻഡ് അലക്‌സാണ്ടർ-അർനോൾഡ്, കെയിൽ വാക്കർ, ബെഞ്ചാമിൻ വൈറ്റ്, ഹാരി മഗ്വയർ, ജോൺ സ്റ്റോൺസ്, എറിക് ഡയർ, കോണോർ കോഡി, ലുക് ഷാ

മധ്യനിര: ഡെക്ലൻ റൈസ്, ജൂഡ് ബെല്ലിങ്ങ്ഹാം, കാൽവിൻ ഫിലിപ്‌സ്, ജോർദാൻ ഹെൻഡേർസൺ, കോണർ ഗല്ലാഹർ, മേസൻ മൗണ്ട്

മുന്നേറ്റനിര: ഹാരി കെയിൻ, കാലം വിൽസൺ, മാർക്കസ് റാഷ്ഫോർഡ്, റഹീം സ്റ്റെർലിങ്ങ്, ബുകായോ സാക, ഫിൽ ഫോഡൻ, ജാക് ഗ്രീലിഷ്, ജെയിംസ് മാഡിസൺ

Story Highlights: england qatar fifa world cup team