വീട്ടിൽ എം.ഡി.എം.എ സൂക്ഷിച്ച രണ്ട് യുവാ​ക്കൾ പിടിയിൽ: സംഭവം കൊല്ലത്തെ ഇരവിപുരത്ത്

ഉയർന്ന അളവിൽ എം.ഡി.എം.എ സൂക്ഷിച്ച രണ്ട് യുവാ​ക്കൾ പിടിയിലായി. കൊല്ലം ജില്ലയിലെ ഇരവിപുരത്താണ് സംഭവം. പെരിനാട് ഞാറയ്ക്കൽ എരുമല താഴതിൽ ഐശ്വര്യാ ഭവനത്തിൽ നിന്ന് മയ്യനാട് താന്നി ജംഗ്ഷനു സമീപം കാട്ടിൽപുരയിടം വീട്ടിൽ വാടയ്ക്കു താമസിക്കുന്ന എബിൻചന്ദ് (33), മയ്യനാട് പുല്ലിച്ചിറ പുളിവെട്ടഴികത്ത് സണ്ണി (27) എന്നി​വ​രാണ് ഇരവിപുരം പൊലീ​സിന്റെ പിടി​യിലായ​ത്.

കഴിഞ്ഞ കുറേ നാളു​ക​ളായി എം.ഡി.​എം.എയുമായി നിര​വധി ചെറു​പ്പ​ക്കാർ സി​റ്റി പൊലീ​സിന്റെ പിടി​യി​ലാ​യി​രു​ന്നു. ഇവ​രിൽ നിന്നും ലഭിച്ച
വിവ​ര​ങ്ങ​ളുടെ അടി​സ്ഥാ​ന​ത്തിൽ ഇരവിപുരം താന്നി ജംഗ്ഷന് സമീപത്തെ കാട്ടിൽപുരയിടം വീട് കേന്ദ്രീക​രിച്ച് ഡാൻസാഫ് ടീമും ഇരവിപുരം പൊലീസും സംയു​ക്ത​മായി നട​ത്തിയ പരി​ശോ​ധ​ന​യി​ലാണ് ലഹരി മരുന്നുമായി യുവാക്കൾ പിടി​യിലായ​ത്.

Read Also: കണ്ണൂർ പയ്യന്നൂരിൽ ലഹരി പാർട്ടിക്കിടെ 6 പേർ പിടിയിൽ; എം.ഡി.എം.എയും കഞ്ചാവും പിടികൂടി

സി​റ്റി പൊലീസ് കമ്മിഷ​ണർ മെറിൻ ജോസഫിന് ലഭിച്ച രഹസ്യവിവ​ര​ത്തിന്റെ അടി​സ്ഥാ​ന​ത്തി​ലാണ് ജില്ലാ ക്രൈം ബ്രാഞ്ച് എ.​സി.പി സക്ക​
റിയ മാത്യു​വിന്റെ നേതൃ​ത്വ​ത്തി​ലുള്ള സി​റ്റി ആന്റി നാർക്കോ​ട്ടിക്ക് വിഭാ​ഗവും ഇരവിപുരം പൊലീസും ചേർന്ന് പരി​ശോ​ധന നട​ത്തി​യ​ത്. പിടി​യി​ലാ​യ​വ​രിൽനിന്നും ചില്ലറ വിൽപ്പനയ്ക്കായി സൂക്ഷിച്ചിരുന്ന 23.85 ​ഗ്രാം എം.ഡി.എം.എ കണ്ടെത്തി. ​കോടതിയിൽ ഹാജരാക്കിയ
പ്രതികളെ റിമാന്റ് ചെയ്തു.

ഇരവിപുരം പൊലീസ് ഇൻസ്‌പെക്ടർ അജിത്തിന്റെ നേതൃ​ത്വ​ത്തിൽ എസ്.ഐമാരായ അരുൺഷാ, ജയേഷ്, സുനിൽ, എഎസ്‌ഐ പ്രമോദ്, സ്‌പെഷ്യൽ ബ്രാഞ്ച് എസ്.ഐ ആർ. ജയ​കു​മാർ, ഡാൻസാഫ് ടീം അംഗ​ങ്ങ​ളായ എ.​എ​സ്.ഐ ബൈജു പി.
ജെറോം, സി.​പി.ഒമാരായ സജു,​ സീ​നു, മനു, രിപു, രതീഷ്, ലിനു എന്നിവരടങ്ങിയ സംഘമാണ് പ്രതികളെ പിടികൂടിയത്.

Story Highlights: Two youths arrested with MDMA kollam