Advertisement

‘സദ്ദാം ഹുസൈനെ പോലെ തോന്നുന്നു’, രാഹുൽ ഗാന്ധിയെ പരിഹസിച്ച് അസം മുഖ്യമന്ത്രി

November 23, 2022
3 minutes Read
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

കോൺഗ്രസ് നേതാവ് രാഹുൽ ഗാന്ധിയെ പരിഹസിച്ച് അസം മുഖ്യമന്ത്രി ഹിമന്ത ബിശ്വ ശർമ്മ. ഭാരത് ജോഡോ യാത്രയ്ക്കിടെ രാഹുലിൻ്റെ മുഖം മാറിയെന്നും ഇപ്പോൾ സദ്ദാം ഹുസൈനെപ്പോലെയാണെന്നും പരാമർശം. ഗുജറാത്ത് നിയമസഭാ തെരഞ്ഞെടുപ്പിന് മുന്നോടിയായി അഹമ്മദാബാദിൽ നടന്ന പ്രചാരണ റാലിയിൽ സംസാരിക്കവെയാണ് ശർമ്മയുടെ പ്രസ്താവന. അതേസമയം അസം മുഖ്യമന്ത്രിയ്ക്ക് മറുപടിയുമായി കോൺഗ്രസ്സും രംഗത്തുവന്നു. (Rahul Gandhi looks like Saddam Hussain now, says Assam CM)

“രാഹുൽ ഗാന്ധിയുടെ പുതിയ ലുക്കിൽ കുഴപ്പമൊന്നുമില്ലെന്ന് ദിവസങ്ങൾക്ക് മുമ്പ് ഒരു ടെലിവിഷൻ അഭിമുഖത്തിൽ ഞാൻ പറഞ്ഞിരുന്നു. പക്ഷേ ലുക്ക് മാറ്റണമെങ്കിൽ വല്ലഭായ് പട്ടേലിനെപ്പോലെയോ ജവഹർലാൽ നെഹ്‌റുവിനെപ്പോലെയോ ആക്കാമായിരുന്നു. ഗാന്ധിജിയെപ്പോലെയാണെങ്കിൽ അതിലും നല്ലത്, പക്ഷേ നിങ്ങൾ ഇപ്പോൾ സദ്ദാം ഹുസൈനെപ്പോലെ കാണപ്പെടുന്നത് എന്തുകൊണ്ട്?” – റാലിയിൽ സംസാരിക്കവെ ഹിമന്ത ബിശ്വ ശർമ്മ പറഞ്ഞു.

“രാഹുൽ ഗാന്ധി ഹിമന്ത ബിശ്വ ശർമ്മയേക്കാൾ കൂടുതൽ പ്രാധാന്യം തന്റെ വിശ്വസ്ത നായയ്ക്ക് നൽകിയത് നന്നായി.” – രാഹുൽ ഗാന്ധിയുടെ രൂപത്തെക്കുറിച്ചുള്ള ഏറ്റവും പുതിയ അഭിപ്രായങ്ങളിൽ ഭാരതീയ ജനതാ പാർട്ടിയെ (ബിജെപി) വിമർശിച്ച് കോൺഗ്രസ് വക്താവ് അൽക്ക ലാംബ പറഞ്ഞു. “ബിജെപിയെ നോക്കി ചിരിക്കാൻ തോന്നുന്നു. അവർ ഇത്ര താഴ്‌ന്നുപോകുമെന്ന് ഒരിക്കലും കരുതിയിരുന്നില്ല, പക്ഷേ അവർ ഭാരത് ജോഡോ യാത്രയിൽ ഞെട്ടിപ്പോയി. അവരുടെ നേതാവും (പിഎം മോദി) അടുത്തിടെ താടി വളർത്തിയിരുന്നു, പക്ഷേ ഞങ്ങൾ ഒന്നും പറഞ്ഞില്ല. ഞങ്ങൾ യഥാർത്ഥ പ്രശ്നങ്ങളെക്കുറിച്ച് സംസാരിക്കുന്നു.” – കോൺഗ്രസിന്റെ സന്ദീപ് ദീക്ഷിത് പ്രതികരിച്ചു.

Story Highlights: Looks like Saddam Hussain: Assam CM mocks Rahul Gandhi

ചുവടുവെക്കാം പാട്ടിനൊപ്പം. കോഴിക്കോടിന്റെ മണ്ണിൽ പാട്ടിന്റെ പെരുമഴ തീർക്കാൻ ഗൗരി ലക്ഷ്മി, ഗായകൻ ജോബ് കുര്യൻ, അവിയൽ, തൈക്കുടം ബ്രിഡ്ജ് എന്നീ ബാൻഡുകളുടെ തകർപ്പൻ പെർഫോമൻസുമായി 'ഡിബി നൈറ്റ് ബൈ ഫ്‌ളവേഴ്‌സ്’. Book Your Tickets Now..!

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement