Advertisement

അരുൺ ഗോയലിന്റെ നിയമന ഫയലുകൾ ഹാജരാക്കണമെന്ന് സുപ്രീം കോടതി

November 23, 2022
2 minutes Read
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

തെരഞ്ഞെടുപ്പ് കമ്മീഷണർ അരുൺ ഗോയലിന്റെ നിയമനവുമായി ബന്ധപ്പെട്ട ഫയൽ ഹാജരാക്കണമെന്ന് സുപ്രീം കോടതി. ഫയലുകൾ നാളെ(നവംബർ 24) ഹാജരാക്കാൻ കേന്ദ്ര സർക്കാരിനോട് സുപ്രീം കോടതി ആവശ്യപ്പെട്ടു. അടുത്തിടെ സർവീസിൽ നിന്ന് സ്വയം വിരമിച്ച ഗോയലിനെ തെരഞ്ഞെടുപ്പ് കമ്മീഷണറായി നിയമിച്ചതിൽ എന്തെങ്കിലും അപാകതയുണ്ടായോ എന്ന് അറിയണമെന്നും കോടതി.

മുഖ്യ തെരഞ്ഞെടുപ്പ് കമ്മീഷണറുടെയും തെരഞ്ഞെടുപ്പ് കമ്മീഷണറുടെയും നിയമനം കൂടുതൽ സുതാര്യമാക്കണമെന്ന ഹർജി പരിഗണിക്കവെയാണ് കോടതി നിർദ്ദേശം. ഫയലുകൾ ഹാജരാക്കാൻ അറ്റോർണി ജനറൽ ആർ വെങ്കിട്ടരമണിയോട് ജസ്റ്റിസ് കെ.എം ജോസഫിന്റെ നേതൃത്വത്തിലുള്ള അഞ്ചംഗ ബെഞ്ച് ആവശ്യപ്പെട്ടു. അടുത്തിടെ നടന്ന നിയമനം പ്രക്രിയയെക്കുറിച്ച് കൂടുതൽ മനസ്സിലാക്കാൻ സഹായിക്കുമെന്ന് കോടതി വ്യക്തമാക്കി.

കഴിഞ്ഞ ഒരാഴ്ചയായി തെരഞ്ഞെടുപ്പ് കമ്മീഷണർ നിയമനവുമായി ബന്ധപ്പെട്ട ഹരജികളിൽ സുപ്രിംകോടതി ഭരണഘടനാബെഞ്ച് വാദം കേൾക്കുകയാണ്. ഗോയലിന്റെ നിയമനവുമായി ബന്ധപ്പെട്ട ഫയൽ കാണണമെന്ന കോടതിയുടെ ആഗ്രഹത്തെ അറ്റോർണി ജനറൽ ആർ വെങ്കിട്ടരമണി എതിർത്തെങ്കിലും സുപ്രീം കോടതി എതിർപ്പ് തള്ളി. നവംബർ 19ന് മുൻ ഐഎഎസ് അരുൺ ഗോയലിനെ തെരഞ്ഞെടുപ്പ് കമ്മീഷണറായി നിയമിച്ച് വിജ്ഞാപനം പുറപ്പെടുവിച്ചിരുന്നു.

Story Highlights: Supreme Court Wants Files On Election Commissioner Arun Goel’s Appointment

ചുവടുവെക്കാം പാട്ടിനൊപ്പം. കോഴിക്കോടിന്റെ മണ്ണിൽ പാട്ടിന്റെ പെരുമഴ തീർക്കാൻ ഗൗരി ലക്ഷ്മി, ഗായകൻ ജോബ് കുര്യൻ, അവിയൽ, തൈക്കുടം ബ്രിഡ്ജ് എന്നീ ബാൻഡുകളുടെ തകർപ്പൻ പെർഫോമൻസുമായി 'ഡിബി നൈറ്റ് ബൈ ഫ്‌ളവേഴ്‌സ്’. Book Your Tickets Now..!

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement