ജനിതകമാറ്റം വരുത്തിയ കടുകിന്റെ കൃഷി അനുമതിക്ക് എതിരായുള്ള ഹരജി സുപ്രിം കോടതി ഇന്ന് പരിഗണിക്കും

ജനിതകമാറ്റം വരുത്തിയ കടുകിന്റെ കൃഷി അനുമതിക്ക് എതിരായുള്ള ഹരജി സുപ്രിം കോടതി ഇന്ന് പരിഗണിക്കും. വാണിജ്യാടിസ്ഥാനത്തിൽ കൃഷി ചെയ്യുന്നതിനായി കേന്ദ്ര സർക്കാർ നിയോഗിച്ച വിദഗ്ധ സമിതി നൽകിയ അനുമതിക്കെതിരെ വിവിധ സംഘടനകൾ നൽകിയ ഹരജികളാണ് പരിഗണിക്കുക. സാങ്കേതിക വിഷയമായതിനാൽ കോടതിയുടെ പരിഗണനയിൽ വരുന്ന വിഷയമല്ലെന്നായിരുന്നു ഹരജിയിൽ കേന്ദ്ര നിലപാട്. എന്നാൽ അനുമതി സംബന്ധിച്ചുള്ള നിയമ വിഷയങ്ങളാകും പരിഗണിക്കുക എന്ന് കോടതി വ്യക്തമാക്കിയിരുന്നു. അതേ സമയം, അനുമതി നൽകിയതിനെ കുറിച്ച് കേന്ദ്രം തെറ്റിദ്ധരിപ്പിക്കുകയാണെന്നാണ് ഹരജിക്കാരുടെ നിലപാട്.

Story Highlights: genetic custard farming supreme court