ജമ്മുവിൽ സൈന്യത്തിന്റെ വെടിയേറ്റ് രണ്ട് യുവാക്കൾ കൊല്ലപ്പെട്ടു; പ്രതിഷേധവുമായി നാട്ടുകാർ

ജമ്മു കശ്മീരിലെ രജൗരിയിൽ സൈന്യത്തിന്റെ വെടിയേറ്റ് രണ്ട് പ്രാദേശിക യുവാക്കൾ കൊല്ലപ്പെട്ടു. സംഭവത്തിന് പിന്നാലെ പ്രദേശവാസികൾ പ്രതിഷേധവുമായി രംഗത്തെത്തി. പ്രകോപിതരായ നാട്ടുകാർ രജൗരി-ജമ്മു ഹൈവേ ഉപരോധിച്ചു.

ആൽഫ ടിസിപിയിൽ വെള്ളിയാഴ്ച രാവിലെയാണ് സംഭവം. സൈനിക ക്യാമ്പിന് സമീപം സംശയാസ്പദമായ നീക്കം നിരീക്ഷിച്ച ഉദ്യോഗസ്ഥർ വെടിയുതിർക്കുകയായിരുന്നുവെന്ന് സൈന്യത്തിന്റെ പ്രസ്താവനയിൽ പറയുന്നു. വെടിവയ്പിൽ രണ്ട് സാധാരണക്കാർ കൊല്ലപ്പെട്ടതായും ഇരുവരും പ്രാദേശിക പൗരന്മാരായിരുന്നു എന്നും സൈന്യം അറിയിച്ചു.

Story Highlights: Protests over killing of 2 civilians in army firing in Jammu