യുപിയിൽ ബലാത്സംഗക്കേസിലെ കുറ്റാരോപിതൻ പൊലീസ് കസ്റ്റഡിയിലിരിക്കെ ആശുപത്രി ശുചിമുറിയിൽ നിന്ന് രക്ഷപ്പെട്ടു

ബലാത്സംഗക്കേസ് കുറ്റാരോപിതൻ പൊലീസ് കസ്റ്റഡിയിലിരിക്കെ ആശുപത്രി ശുചിമുറിയിൽ നിന്ന് രക്ഷപ്പെട്ടു. 14 വയസുകാരിയെ ബലാത്സംഗം ചെയ്ത കേസിലെ കുറ്റാരോപിതനാണ് പൊലീസിനെ കബളിപ്പിച്ച് രക്ഷപ്പെട്ടത്. ഉത്തർപ്രദേശിലെ നോയിഡയിലാണ് സംഭവം. സംഭവത്തിനു പിന്നാലെ ഒരു ഹെഡ് കോൺസ്റ്റബിളിനെയും ഹോം ഗാർഡിനെയും സസ്പൻഡ് ചെയ്തു.

വൈദ്യ പരിശോധനയ്ക്കായി ആശുപത്രിയിലെത്തിച്ചപ്പോഴാണ് 19കാരനായ കുറ്റാരോപിതൻ രക്ഷപ്പെട്ടത്. ആശുപത്രിയിൽ വച്ച് ശുചിമുറിയിൽ പോകണമെന്ന് ഇയാൾ ആവശ്യപ്പെട്ടു. തുടർന്ന് പൊലീസ് ഉദ്യോഗസ്ഥർ ഇയാളെ ശുചിമുറിയിലാക്കുകയും ജനാലയിലൂടെ ഇയാൾ കടന്നുകളയുകയുമായിരുന്നു.

Story Highlights: rape accused escape police custody hospital toilet