മനുഷ്യ വന്യജീവി സംഘർഷം; പ്രശ്ന പരിഹാരത്തിന് നോഡൽ ഓഫീസർമാരെ നിയമിച്ചു

മനുഷ്യ വന്യജീവി സംഘർഷത്തിൽ പ്രശ്ന പരിഹാരത്തിന് നോഡൽ ഓഫീസർമാരെ നിയമിച്ചു. സംസ്ഥാനത്തെ വിവിധ സർക്കിളുകളുടെ ചുമതലയുള്ള ചീഫ് ഫോറസ്റ്റ് കൺസർവേറ്റർമാരാണ് നോഡൽ ഓഫീസമാർ. ഇടുക്കിയിൽ വനം വകുപ്പ് മന്ത്രി എ കെ ശശീന്ദ്രന്റെ അധ്യക്ഷതയിൽ ചേർന്ന സർവകക്ഷി യോഗത്തിന്റെ ആവശ്യപ്രകാരമാണ് നിയമനം.

ജില്ലകളിൽ നോഡൽ ഓഫീസർമാർ വേണമെന്നായിരുന്നു ആവശ്യം. നോർത്ത്, ഈസ്റ്റ് , സൗത്ത് ,സെൻഡ്രൽ ഹൈറേഞ്ച് സർക്കുളുകളിലെ സി സി എഫമാർ നോഡൽ ഓഫീസർമാരായി പ്രവർത്തിക്കും. വിവിധ തലത്തിലുള്ള വനം വകുപ്പ് ഉദ്യോഗസ്ഥർ ഒരേ വിഷയത്തിൽ വ്യത്യസ്ത അഭിപ്രായവും നിലപാടും സ്വീകരിക്കുന്നത് ഒഴിവാക്കാനാണ് നിയമനം.

Read Also: സജി ചെറിയാൻ മന്ത്രിയാകുന്നത് അധാർമ്മികം; ഗോൾവാൾക്കറെ സിപിഐഎം അംഗീകരിക്കുന്നോയെന്ന് എം വി ഗോവിന്ദൻ പറയണം: വി ഡി സതീശൻ

വന്യജീവികളുടെ ആക്രമണം, നഷ്ടപരിഹാരം, വനേതര ഭൂമിയിലെ നിയമ പരമായ മരം മുറിക്കൽ ഉൾപ്പെടെയുള്ള വിഷങ്ങളിലെ തർക്കങ്ങൾ നോഡൽ ഓഫീസർമാർ പരിഹരിക്കും.

Story Highlights: Human- Animal Conflict