യുഎഇയിൽ ലൈസൻസില്ലാതെ പ്രവർത്തിക്കുന്ന ആരോ​ഗ്യപ്രവർത്തകരിൽ നിന്ന് ഒരു ലക്ഷം ദിർഹം വരെ പിഴ ഈടാക്കും

യുഎഇയിൽ നിശ്ചിത ലൈസൻസില്ലാതെ പ്രവർത്തിക്കുന്ന ആരോ​ഗ്യപ്രവർത്തകർക്ക് മുന്നറിയിപ്പ്. ഇത്തരക്കാരിൽ നിന്ന് ഒരു ലക്ഷം ദിർഹം വരെ പിഴ ഈടാക്കും. ഇത് സംബന്ധിച്ച കരട് നിയമത്തിന് ഫെഡറൽ നാഷണൽ കൗൺസിൽ അം​ഗീകാരം നൽകി. ( Health workers without license fine UAE ).

യുഎഇയിൽ ആരോ​ഗ്യ മേഖലയിൽ ജോലി ചെയ്യുന്നതിന് ലൈസൻസ് നിർബന്ധമാണ്. അബുദാബി ഹെൽത്ത് അതോറിറ്റി, ​ദുബായ് ഹെൽത്ത് അതോറിറ്റി, യു.എ.ഇ ആരോഗ്യ മന്ത്രാലയം എന്നിവ നൽകുന്ന ലൈസൻസുകളിൽ ഒന്നാണ് യുഎഇയിലെ വിവിധ ആരോ​ഗ്യ കേന്ദ്രങ്ങളിൽ ജോലിക്കായി ആരോ​ഗ്യപ്രവർത്തകർ നേടേണ്ടത്. ഇത്തരം ലൈസൻസ് നേടാതെ തൊഴിൽ ചെയ്യുന്നവർക്കാണ് പിഴ ലഭിക്കുക.

Read Also: ഇൻസ്റ്റഗ്രാമിൽ ഏറ്റവുമധികം ഫോളോവേഴ്സുള്ള ‘വനിതാതാരം’; റെക്കോർഡ് നേട്ടവുമായി സെലീന ഗോമസ്

പരിശോധനയിൽ മാനദണ്ഡങ്ങൾക്കനുസരിച്ച് യോ​ഗ്യത ഇല്ലെന്ന് കണ്ടെത്തിയാൽ 50000 മുതൽ ഒരു ലക്ഷം വരെ പിഴ ഈടാക്കും. ഇത്​ സംബന്ധിച്ച കരട്​ നിയമത്തിന്​ ഫെഡറൽ നാഷണൽ കൗൺസിൽ അംഗീകാരം നൽകി. രോഗപ്രതിരോധ മന്ത്രിയും ഫെഡറൽ നാഷണൽ കൗൺസിൽ സഹ മന്ത്രിയുമായ ഡോ. അബ്​ദുൽ റഹ്​മാൻ അൽ ഒവൈസിന്‍റെ സാന്നിധ്യത്തിലാണ്​ നിയമത്തിന്​ അംഗീകാരം നൽകിയത്​.

വ്യാജ രേഖകൾ നൽകുന്നവർക്കും സമാനമായ ശിക്ഷ ലഭിക്കും. ഇത്തരത്തിലുളള ആളുകളെ തൊഴിലിന് നിയമിക്കുന്ന സ്ഥാപനങ്ങൾ അടച്ചുപൂട്ടാനും നിയമം വ്യവസ്ഥ ചെയ്യുന്നുണ്ട്.

Story Highlights: Health workers without license fine UAE