ഒരു ലക്ഷത്തിലധികം വിവര സാങ്കേതിക വിദഗ്ധരും 500ഓളം പ്രഭാഷകരും; ഐടി ആർട്ടിഫിഷ്യൽ മേള ഫെബ്രുവരി ആറിന് ആരംഭിക്കും

ഒരു ലക്ഷത്തിലധികം വിവര സാങ്കേതിക വിദഗ്‌ധരും 500ഓളം പ്രഭാഷകരും പങ്കെടുക്കുന്ന ആഗോള ഐ.ടി ആർട്ടിഫിഷ്യൽ മേളയായ ‘ലീപ്പ് 2023’ റിയാദിൽ ഫെബ്രുവരി ആറിന് ആരംഭിക്കും. പോസിറ്റീവ് ഭാവി കെട്ടിപ്പടുക്കുന്നതിന് സാങ്കേതികവിദ്യയുടെ പരിധിയില്ലാത്ത സാധ്യതകൾ ഉപയോഗപ്പെടുത്തുക ലക്ഷ്യം വെച്ചാണ് ‘ലീപ്പ്’ രണ്ടാം പതിപ്പ് നാലുദിവസങ്ങളിലായി റിയാദ് ഫ്രൻറ് എക്സിബിഷൻ സെൻററിൽ നടക്കുക.

കമ്യൂണിക്കേഷൻ ആൻഡ് ഇൻഫർമേഷൻ ടെക്നോളജി മന്ത്രാലയമാണ് മേളയുടെ സംഘാടകർ. ലോകത്തിെൻ്റെ വിവിധ കോണുകളിൽ നിന്നെത്തുന്ന 716ഓളം കമ്പനികളുടെ പവലിയനും 513ൽ അധികം പ്രസംഗകരും പങ്കെടുക്കുന്ന പരിപാടിയിലേക്ക് ഒരു ലക്ഷത്തിലേറെ സന്ദർശകരെത്തും. 50 ശതമാനത്തിലേറെ സന്ദർശകർ ഗൾഫ് രാജ്യങ്ങളിൽ നിന്നായിരിക്കും.

Story Highlights: leap 2023 riyadh february 6