അദാനി ഗ്രൂപ്പിന്റെ പ്ലാന്റ് പൊളിക്കാം; ട്രൈബ്യൂണല്‍ ഉത്തരവ് ശരിവെച്ച് സുപ്രിം കോടതി

അദാനി ഗ്രൂപ്പിന്‍റെ ഭക്ഷ്യ എണ്ണ സംഭരണ പ്ലാന്‍റ് പൊളിക്കാമെന്ന് സുപ്രിംകോടതി. ദേശീയ ഹരിത ട്രൈബ്യൂണൽ ഉത്തരവ് ശരിവച്ചുകൊണ്ടാണ് സുപ്രിം കോടതി തീരുമാനം വ്യക്തമാക്കിയത്. ചെന്നൈയിൽ അദാനി ഗ്രൂപ്പിന്‍റെയും കെ ടി വി ഗ്രൂപ്പിന്‍റെയും സംയുക്ത സംരംഭമായിട്ടുള്ള ഭക്ഷ്യ എണ്ണ സംഭരണ പ്ലാന്‍റാണ് പൊളിക്കണമെന്ന് സുപ്രിം കോടതിയും നിർദേശിച്ചത്.

തീരദേശ നിയമങ്ങൾ ലംഘിച്ചെന്ന് കാട്ടിയായിരുന്നു നേരത്തെ ഈ ഭക്ഷ്യ എണ്ണ സംഭരണ പ്ലാന്‍റ് പൊളിക്കണമെന്ന് ദേശീയ ഹരിത ട്രൈബ്യൂണൽ ഉത്തരവിട്ടത് . ഈ ഉത്തരവിനാണ് ഇപ്പോൾ സുപ്രിംകോടതിയും അംഗീകാരം നൽകിയിരിക്കുന്നത്. അഞ്ച് സംഭരണികൾ ആറ് മാസത്തിനകം പൊളിക്കണമെന്നാണ് സുപ്രിം കോടതി ഇപ്പോൾ വ്യക്തമാക്കിയത്.

Story Highlights: SC Orders Razing Of Storage Tanks Owned By Adani Joint Venture