കേരളം ഭരിക്കുമെന്ന് പ്രധാനമന്ത്രി; അത് സംഭവിക്കണമെങ്കില് മതനിരപേക്ഷ കേരളം മരിക്കണമെന്ന് മന്ത്രി പി എ മുഹമ്മദ് റിയാസ്
കേരളത്തിലും ബിജെപി സർക്കാരുണ്ടാക്കുമെന്ന പ്രധാനമന്ത്രി നരേന്ദ്ര മോദിയുടെ പ്രസ്താവനയെ മലയാളികൾ അർഹിക്കുന്ന അവജ്ഞയോടെ തള്ളിക്കളയുമെന്ന് മന്ത്രി മുഹമ്മദ് റിയാസ്. വര്ഗീയതയ്ക്കും മതവിദ്വേഷ രാഷ്ട്രീയത്തിനും കേരളത്തില് സ്ഥാനമില്ലെന്ന് പലവട്ടം സംഘപരിവാറിനെ ഓര്മ്മിപ്പിച്ചവരാണ് മലയാളികള്. (muhammad riyas reply to narendra modi)
മറിച്ചു സംഭവിക്കണമെങ്കില് മതനിരപേക്ഷ കേരളം മരിക്കണമെന്നും ഇടതുപക്ഷമുള്ളിടത്തോളം മതനിരപേക്ഷ കേരളത്തിന് മരണമില്ലെന്നും മുഹമ്മദ് റിയാസ് പറഞ്ഞു.
Read Also: നാഗാലാന്ഡില് വോട്ടെണ്ണലിനുമുന്നേ ബിജെപി സ്ഥാനാര്ത്ഥിക്ക് സീറ്റ്; വിജയം ഇങ്ങനെ
മുഹമ്മദ് റിയാസ് ഫേസ്ബുക്കിൽ പറഞ്ഞത്
”ബഹുമാനപ്പെട്ട പ്രധാനമന്ത്രി, അങ്ങ് പറഞ്ഞത് സംഭവിക്കണമെങ്കില് മതനിരപേക്ഷ കേരളം മരിക്കണം. കേരളത്തിലും ബിജെപി സര്ക്കാരുണ്ടാക്കുമെന്ന പ്രധാനമന്ത്രി നരേന്ദ്ര മോദിയുടെ പ്രസ്താവനയെ മലയാളികള് അര്ഹിക്കുന്ന അവജ്ഞയോടെ തള്ളിക്കളയും. ഈ നാട് രൂപപ്പെട്ടുവന്ന ചരിത്രത്തെപ്പറ്റിയും ഇവിടത്തെ സെക്കുലര് ഫാബ്രിക്കിനെപ്പറ്റിയും അറിയുന്നവരാരും ഈ പ്രസ്താവനയെ പിന്തുണക്കില്ല. വര്ഗ്ഗീയതയ്ക്കും മതവിദ്വേഷ രാഷ്ട്രീയത്തിനും കേരളത്തിന്റെ മണ്ണില് സ്ഥാനമില്ലെന്ന് പലവട്ടം സംഘപരിവാറിനെ ഓര്മ്മിപ്പിച്ചവരാണ് മലയാളികള്. ആര്എസ്എസ്സിന്റെ തീവ്ര വലതുപക്ഷ പ്രതിലോമ രാഷ്ട്രീയത്തിന് കേരളമൊരു ബാലികേറാമലയായി തുടരും. മറിച്ചു സംഭവിക്കണമെങ്കില് മതനിരപേക്ഷ കേരളം മരിക്കണം. ഇടതുപക്ഷമുള്ളിടത്തോളം മതനിരപേക്ഷ കേരളത്തിന് മരണമില്ല.”കേരളത്തിലും ബിജെപി സര്ക്കാര് അധികാരത്തില് എത്തുമെന്ന് ഇന്നലെയാണ് നരേന്ദ്രമോദി പറഞ്ഞത്. വടക്ക് കിഴക്കന് സംസ്ഥാനങ്ങളിലെ ബിജെപിയുടെ തെരഞ്ഞെടുപ്പ് വിജയത്തിന് പിന്നാലെയായിരുന്നു പരാമര്ശം. വടക്ക് കിഴക്കന് സംസ്ഥാനങ്ങളിലെ പോലെ കേരളത്തിലും ബിജെപി സര്ക്കാര് രൂപീകരിക്കും. സിപിഐഎമ്മും കോണ്ഗ്രസും ചേര്ന്ന് കേരളത്തെ കൊള്ളയടിക്കുകയാണ്. ന്യൂനപക്ഷങ്ങള് ബിജെപിയെ ഭയക്കുന്നില്ല. ത്രിപുരയിലെ ഇടതുകോണ്ഗ്രസ് സഖ്യം കേരളത്തിലെ ജനങ്ങള് കാണുന്നുണ്ടെന്നും ഒരിടത്ത് ഗുസ്തിയും മറ്റൊരിടത്ത് ദോസ്തിയാണെന്നും മോദി പറഞ്ഞിരുന്നു.
Story Highlights: muhammad riyas reply to narendra modi
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here