‘പാവപ്പെട്ടവരെ വളരെയധികം സഹായിക്കാനുള്ള മനസുണ്ടായിരുന്നു അദ്ദേഹത്തിന്’; അബു സലിം ട്വന്റിഫോറിനോട്

മുപ്പതോളം സിനിമകളിൽ ഇന്നസെന്റിനൊപ്പം ഒന്നിച്ച് അഭിനയിച്ചതിന്റെ ഓർമ്മകൾ പങ്കുവെക്കുകയാണ് നടൻ അബു സലിം,മലയാള സിനിമക്ക് മാത്രമല്ല വ്യക്തിപരമായും വലിയ നഷ്ടമാണ് ഇന്നസെന്റിന്റെ വിയോഗത്തിലൂടെ ഉണ്ടായതെന്നും അബു സലീം പറഞ്ഞു. ( abu salim about innocent death )

‘പുരാവൃത്തം എന്ന സിനിമയ്ക്കിടെയാണ് ഞാൻ ഇന്നസെന്റ് ചേട്ടനെ പരിചയപ്പെടുന്നത്. സിനിമാ മേഖലയിലെ എല്ലാവർക്കും അറിയാം, ഒരുപോലെയാണ് എല്ലാവരേയും കണ്ടിരുന്നത്. അസുഖബാധിതനായ ശേഷവും അദ്ദേഹം സെറ്റിലോ അമ്മയുടെ മീറ്റിംഗിന് വന്നാലോ ഊർജസ്വലനായിരുന്നു. പാവപ്പെട്ടവരെ വളരെയധികം സഹായിക്കാനുള്ള മനസും ഇന്നസെന്റിനുണ്ടായിരുന്നു’- അബു സലിം പറഞ്ഞു.

Read Also: ആദ്യം കിട്ടിയ ചെറുവേഷങ്ങൾ കുടുംബത്തിന് നാണക്കേടായി; ആദ്യ പ്രതിഫലം 15 രൂപയും; ഇന്നസെന്റ് എന്ന താരം വളർന്നത് കഷ്ടതകളിലൂടെ

ഇന്നലെയാണ് മലയാളത്തിന്റെ പ്രിയ നടൻ ഇന്നസെന്റ് അന്തരിച്ചത്. 75 വയസായിരുന്നു. നാളെ ഇരിങ്ങാലക്കുടയിലെ സെന്റ് തോമസ് കത്തീഡ്രലിലാണ് സംസ്‌കാരം.

Story Highlights: abu salim about innocent death