‘ഡി.കെ.ശിവകുമാറിനെ മുഖ്യമന്ത്രിയാക്കണം’; ഡൽഹിയിലെത്തി ഖാർഗെയെ കണ്ട് സഹോദരന്
കർണാടകയിലെ മുഖ്യമന്ത്രി ആരെന്ന ചോദ്യത്തിനിടെ സഹോദരന് വേണ്ടി മുഖ്യമന്ത്രി സ്ഥാനം ആവശ്യപ്പെട്ട് ഡി.കെ.ശിവകുമാറിന്റെ സഹോദരന് ഡി.കെ.സുരേഷ്. ഡി.കെ.സുരേഷ് ഡല്ഹിയിലെത്തി കോൺഗ്രസ് അധ്യക്ഷൻ മല്ലികാർജുൻ ഖാർഗെയെ കണ്ടു. ശിവകുമാറിന്റെ അനുമതിയോടെയാണ് സുരേഷിന്റെ സന്ദര്ശനമെന്നാണ് വിവരം.
അതിനിടെ ഡി.കെ.ശിവകുമാറിനെ പിന്തുണച്ച് വൊക്കലിഗ സമുദായ നേതാക്കള് രംഗത്തെത്തി.ഡി.കെയെ മുഖ്യമന്ത്രിയാക്കണമെന്നാവശ്യപ്പെട്ടു. ഇതിനിടെ എം.ബി.പാട്ടീലിനായി ലിംഗായത്ത് മഠം രാഗത്തുവന്നിട്ടുണ്ട്. ഉപമുഖ്യമന്ത്രി പദം ലിംഗായത്ത് വിഭാഗത്തിന് വേണമെന്ന് ആവശ്യമാണ് അവർ ഉന്നയിക്കുന്നത്.
അതേസമയം ഡി.കെ ശിവകുമാറിനെ കോൺഗ്രസ് ദേശീയ നേതൃത്വം വീണ്ടും ഡൽഹിയിലേയ്ക്ക് വിളിപ്പിച്ചിട്ടുണ്ട് . നിയമസഭാ കക്ഷി നേതാവിനെ പ്രഖ്യാപിയ്ക്കുന്നതിന് മുന്നോടിയായാണ് നടപടി. ഇന്നുതന്നെ ഡൽഹിയിൽ എത്താനാണ് നിർദ്ദേശിച്ചിട്ടുള്ളത്. ഇന്നലത്തെ ഡൽഹി യാത്ര ഡി.കെ ശിവകുമാർ റദ്ദാക്കിയിരുന്നു.
ഡൽഹിയിലെത്താൻ തനിക്ക് ചില ആരോഗ്യപ്രശ്നങ്ങളുണ്ടെന്ന് പറഞ്ഞാണ് ഡി കെ ശിവകുമാർ തന്റെ ഡൽഹി യാത്ര നാടകീയമായി റദ്ദാക്കിയിരുന്നത്. ഡി കെ ശിവകുമാറുമായി സോണിയാ ഗാന്ധി ഉൾപ്പെടെയുള്ളവർ ചർച്ച നടത്തിയേക്കുമെന്നാണ് റിപ്പോർട്ടുകൾ.
കർണാടക മുഖ്യമന്ത്രി സ്ഥാനത്തെക്കുറിച്ചുള്ള തർക്കത്തിൽ ചർച്ചകൾക്കായി ഇന്നലെ വൈകിട്ട് ഡൽഹിയിലേക്ക് പോകുമെന്ന് പറഞ്ഞ ഡി കെ, മണിക്കൂറുകൾക്കുള്ളിൽ തീരുമാനം മാറ്റിയിരുന്നു. ആരോഗ്യസ്ഥിതി മോശമാണെന്നും അതിനാൽ ഉടൻ ഡെൽഹിക്ക് പോവാനില്ലെന്നും ഡി കെ ശിവകുമാർ വ്യക്തമാക്കിയിരുന്നു. വയറിൽ അണുബാധയുണ്ടെന്നാണ് അദ്ദേഹം മാധ്യമങ്ങളോട് പറഞ്ഞത്.
Read Also: കന്നഡനാടിനെ പൊന്നാക്കി രാഹുല്; പ്രചാരണത്തിലാകെ ഉയര്ത്തിയത് പ്രാദേശിക ജനവിഷയങ്ങള്
Story Highlights: DK Suresh demand DK Shivakumar becomes Karnataka CM
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here