‘പല്ല് പൊടിഞ്ഞ നടന് ആര്’?; എക്സൈസ് ടിനി ടോമിന്റെ മൊഴിയെടുക്കാത്തത് എന്തുകൊണ്ടെന്ന് ബി.ഉണ്ണികൃഷ്ണന്
സിനിമാ മേഖലയിലെ ലഹരി ഉപയോഗത്തെക്കുറിച്ച് വെളിപ്പെടുത്തലുകള് നടത്തിയ നടന് ടിനി ടോമിന്റെ മൊഴിയെടുക്കാന് എക്സൈസ് വകുപ്പ് തയ്യാറാകാത്തത് എന്തുകൊണ്ടെന്ന് ഫെഫ്ക ജനറല് സെക്രട്ടറി കൂടിയായ സംവിധായകന് ബി ഉണ്ണികൃഷ്ണന്. ഗുരുതര വെളിപ്പെടുത്തലാണ് നടത്തിയത് ടിനി ടോം നടത്തിയത്. അദ്ദേഹം എക്സൈസ് വകുപ്പിന്റെ ബ്രാന്ഡ് അംബാസിഡര് ആണ് എന്നിട്ട് എന്തുകൊണ്ട് ചോദ്യം ചെയ്തില്ലെന്ന് ബി ഉണ്ണികൃഷ്ണന് ചോദിച്ചു. സംവിധായകന് നജീം കോയയുടെ ഹോട്ടല് മുറിയില് റെയ്ഡ് നടത്തിയ എക്സൈസ് ഉദ്യോഗസ്ഥരുടെ നടപടിയില് ക്രിമിനല് ഗൂഢാലോചന ആരോപിച്ച് നടത്തിയ വാര്ത്താസമ്മേളനത്തില് സംസാരിക്കുകയായിരുന്നു ബി ഉണ്ണികൃഷ്ണന്.
”നജീം കോയയെ പരിശോധിക്കാന് തിരുവനന്തപുരത്തുനിന്ന് ഈരാറ്റുപേട്ട വരെ വരാന് ഉത്സാഹം കാണിച്ച ഉദ്യോഗസ്ഥര് എന്തുകൊണ്ട് ടിനി ടോമിന്റെ മൊഴി ഇതുവരെ എടുത്തില്ല? ഒരു നടന്റെ പല്ല് പൊടിഞ്ഞു എന്നാണ് പറയുന്നത്. ടിനി ടോം എക്സൈസ് വകുപ്പിന്റെ ബ്രാന്ഡ് അംബാസിഡര് ആയി വര്ക്ക് ചെയ്യുന്നുണ്ടെങ്കില് ഈ വിഷയം ആദ്യം ചോദിക്കേണ്ടത് ആരാ? എക്സൈസ് വകുപ്പ് ചോദിക്കണ്ടേ ബ്രാന്ഡ് അംബാസിഡറോട്? ആരാണിതെന്ന് ചോദിക്കണ്ടേ? നടപടി എടുക്കണ്ടേ? അതെന്താണ് ചെയ്യാത്തത്? ഒരു പ്രസ്താവന നടത്തുമ്പോള് അതിന് ഉത്തരവാദിത്തം വേണം”, -ബി ഉണ്ണികൃഷ്ണന് പറഞ്ഞു.
Read Also: ‘സംവിധായകൻ നജിം കോയയുടെ മുറിയിലെ അപ്രതീക്ഷിത റെയ്ഡിന് പിന്നിൽ ഗൂഢാലോചന; ബി. ഉണ്ണികൃഷ്ണൻ
കഴിഞ്ഞ മാസം അമ്പലപ്പുഴയിൽ നടന്ന കേരള സർവകലശാല യൂണിയന് യുവജനോത്സവ ഉദ്ഘാടന ചടങ്ങില് പങ്കെടുക്കവെ ആയിരുന്നു ടിനി ടോമിന്റെ പരാമര്ശം. “ഒരു മകനേ എനിക്കുള്ളൂ. ഭയം കാരണം സിനിമയിൽ വിട്ടില്ല. എനിക്കൊപ്പം അഭിനയിച്ച ഒരു നടൻ ലഹരിക്ക് അടിമയാണ്. ആ നടന്റെ പല്ല് പൊടിഞ്ഞ് തുടങ്ങി’ യെന്നും , ടിനി പറഞ്ഞിരുന്നു.
Story Highlights: Why excise not taking tini tom statement: B unnikrishnan
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here