അൽ അൻസാരി എക്സ്ചേഞ്ചിന്റെ വാർഷിക സമ്മർ പ്രമോഷൻ വിജയികളെ പ്രഖ്യാപിച്ചു

പ്രമുഖ ധനവിനിമയ സ്ഥാപനമായ അൽ അൻസാരി എക്സ്ചേഞ്ചിന്റെ വാർഷിക സമ്മർ പ്രമോഷൻ വിജയികളെ പ്രഖ്യാപിച്ചു. ഒന്നാം സമ്മാനമായ ഒരു മില്യൻ ദിർഹത്തിന് ഈജിപ്ത് സ്വദേശി മുസ്തഫ അബു യൂസഫ് അർഹനായി.

അൽ അൻസാരി എക്സ്ചേഞ്ചിന്റെ മൊബൈൽ ആപ്ളിക്കേഷനിലൂടെ അയച്ച പണമാണ് ഈജിപ്ത് സ്വദേശിയെ മില്യണയർ ആക്കിയത്. ദുബായിൽ നടന്ന നറുക്കെടുപ്പിലാണ് അൽ അൻസാരി എക്സ്ചേഞ്ച് വാർഷിക സമ്മർ പ്രമോഷനിലെ പത്താമത് മില്യണയറായി മുസ്തഫയെ തിരഞ്ഞെടുത്തത്. അൽ അൻസാരി എക്സ്ചേഞ്ചിന്റെ ഉന്നത ഉദ്യോ​ഗസ്ഥരും ദുബായിലെ ഇക്കോണമി ആൻഡ് ടൂറിസം ഡിപാർട്ട്മെന്റിലെ പ്രതിനിധികളുമുൾപ്പെടെുളള പ്രമുഖർ നറുക്കെടുപ്പിൽ പങ്കെടുത്തു. നറുക്കെടുപ്പിൽ ബ്രാന്റ് ന്യൂ ലക്സസ് കാറിന് യുഎഇ സ്വദേശി ഖലീഫ സുബൈയ അൽ കാബി അർഹനായി. അതൊടൊപ്പം ഗ്രാൻഡ് പ്രൈസിന് പുറമെ ആഴ്ച തോറുമുള്ള നറുക്കെടുപ്പിലൂടെ 12 ‘ഐഫോൺ 14’ സ്മാർട്ട് ഫോണുകളാണ് നൽകിയത്. ഒൻപത് ഭാഗ്യശാലികൾക്ക് ഒരുലക്ഷത്തി അയ്യായിരം ദിർഹവും എട്ട് വിജയികൾക്ക് 10,000 ദിർഹം വീതം നൽകി. 2023 ജൂൺ 1 മുതൽ ഓഗസ്റ്റ് 31 വരെയാണ് ഈവർഷത്തെ സമ്മർ പ്രമോഷൻ നടന്നത്.

Story Highlights: al ansari exchange winner