‘സുരേഷ് ഗോപി സ്വീകാര്യനായ ജനപ്രീതിയുള്ള നേതാവ്, പ്രധാനമന്ത്രി ഉൾപ്പെടെയുള്ളവർക്ക് അത് അറിയാം’; വി.വി രാജേഷ്

സത്യജിത് റായ് ഇന്‍സ്റ്റിറ്റ്യൂട്ട് അധ്യക്ഷ പദവി സംബന്ധിച്ച വിഷയത്തിൽ സുരേഷ് ഗോപി പ്രതികരിക്കുകയാണെങ്കിൽ പാർട്ടി നേതൃത്വം മറുപടി നൽകുമെന്ന് ബിജെപി തിരുവനന്തപുരം ജില്ലാ പ്രസിഡന്റ് വി.വി രാജേഷ്. സുരേഷ് ഗോപി സ്വീകാര്യനായ ജനപ്രീതിയുള്ള നേതാവ്, പ്രധാനമന്ത്രി ഉൾപ്പെടെയുള്ളവർക്ക് അത് അറിയാം.(V V Rajesh about Suresh Gopi)

നിയമനം കേന്ദ്രമെടുക്കുന്ന തീരുമാനമാണ്. അതുകൊണ്ട് തന്നെ സംസ്ഥാന നേതൃത്വത്തിന് തീരുമാനത്തിൽ പങ്കില്ല. പദവി സംസ്ഥാന നേതാക്കളുമായി കൂടിയാലോചിച്ച് തീരുമാനിക്കുന്നതല്ല. ഡയറക്ടർ പദവി സജീവ രാഷ്ട്രീയത്തിന് തടസമാകില്ല.

Read Also: കോടീശ്വരനെ ഇന്നറിയാം; ഓണം ബംബര്‍ നറുക്കെടുപ്പ് ഇന്ന്

പാർട്ടി സുരേഷ് ഗോപിക്ക് എതിരാണെന്ന പ്രചാരണം ശരിയല്ല.അനാവശ്യ വിവാദമാണ്. കേരളത്തിൽ ജനപ്രീതിയുള്ള നടനാണ് അദ്ദേഹം. അദ്ദേഹത്തിനെ ഉപയോഗപ്പെടുത്താനുള്ള എല്ലാ സാധ്യതകളും നേത്യത്വം പരിശോധിക്കും.

അതേസമയം, സത്യജിത് റായ് ഇൻസ്റ്റിറ്റ്യൂട്ട് അധ്യക്ഷൻ സ്ഥാനം സുരേഷ് ​ഗോപി ഏറ്റെടുത്തേക്കില്ലെന്നാണ് പുറത്തു സൂചന. മുന്നറിയിപ്പ് നൽകാതെയാണ് അധ്യക്ഷനാക്കിയതെന്നാണ് വിവരം. കരുവന്നൂരിൽ പദയാത്ര നടത്താനിരിക്കെ ആണ് പുതിയ പദവി. പദവിയിൽ ഇരുന്നു സജീവ രാഷ്ട്രീയത്തിൽ തുടരാൻ ആകുമോ എന്ന കാര്യത്തിലും സംശയമാണ്.

Story Highlights: V V Rajesh about Suresh Gopi