കൊച്ചിയിൽ നാവികസേന ഹെലികോപ്റ്റർ അപകടത്തിൽപ്പെട്ടു; ഒരു മരണം

പരിശീലന പറക്കലിനിടെ നാവികസേന ഹെലികോപ്റ്റർ അപകടത്തിൽപ്പെട്ടു. കൊച്ചി നാവിക ആസ്ഥാനത്തെ ഐഎൻഎസ് ഗരുഡ റൺവേയിലാണ് അപകടമുണ്ടായത്. സംഭവത്തിൽ ഒരാൾ മരിച്ചു.

ഉച്ചയ്ക്ക് രണ്ട് മണിയോടെയാണ് അപകടം. അറ്റകുറ്റപ്പണികൾക്കായി റൺവേയിൽ നിന്ന് മാറ്റുന്നതിനിടെ ഹെലികോപ്റ്ററിന്റെ റോട്ടർ ബ്ലേഡ് ഇടിച്ച് ഒരാൾ മരിക്കുകയായിരുന്നു. മരിച്ചയാളുടെ വിശദാംശങ്ങൾ നാവികസേന പുറത്തുവിട്ടിട്ടില്ല.

ഹെലികോപ്റ്ററിലുണ്ടായിരുന്നവർ സുരക്ഷിതരാണെന്നാണ് വിവരം. അപകടത്തെക്കുറിച്ച് നാവികസേന അന്വേഷണം പ്രഖ്യാപിച്ചിട്ടുണ്ട്. വ്യോമസേനയുടെ ഏറ്റവും പഴക്കം ചെന്ന ഹെലികോപ്റ്ററാണ് ചേതക്. 1965ലാണ് ചേതക് നാവികസേനയുടെ ഭാഗമായത്.

Story Highlights: Navy helicopter crashes in Kochi