ഈ വാർത്ത ട്വന്റിഫോറിന്റേതല്ല; പ്രചരിക്കുന്നത് വ്യാജ ഗ്രാഫിക്‌സ് കാർഡ്

ട്വന്റിഫോറിന്റെ പേരിൽ വ്യാജ പ്രചാരണം. ഭാരത് റൈസ് ബീഫിനൊപ്പം കഴിക്കരുതെന്ന് ബിജെപി സംസ്ഥാന അധ്യക്ഷൻ കെ.സുരേന്ദ്രൻ പറഞ്ഞതായി ട്വന്റിഫോർ റിപ്പോർട്ട് ചെയ്തുവെന്നാണ് വാർത്ത. എന്നാൽ ഇത്തരമൊരു വാർത്ത ട്വന്റിഫോർ നൽകിയിട്ടില്ല. ( k surendran fake card 24 fact check )

ട്രാൻസ്‌ജെൻഡർ ആക്ടിവിസ്റ്റ് ശീതൾ ശ്യാമാണ് ട്വന്റിഫോറിന്റെ പേരിലുള്ള വ്യാജ ഗ്രാഫിക്‌സ് കാർഡ് ഫേസ്ബുക്കിൽ പോസ്റ്റ് ചെയ്തിരിക്കുന്നത്. പോസ്റ്റിന് നിരവധി പേരാണ് ലൈക്കും കമന്റും നൽകിയിരിക്കുന്നത്.

കമന്റുകളിൽ പലരും വാർത്ത വ്യാജമാണെന്ന് ചൂണ്ടിക്കാട്ടിയിട്ടുണ്ട്.

Story Highlights: k surendran fake card 24 fact check