ചരിത്ര നേട്ടം ആവർത്തിച്ച്​ ‘ഇലാൻസി’ന്​ വീണ്ടും ​1000 പ്ലസ്​ പാസ്​

തെക്കേ ഇന്ത്യയിലെ പ്രമുഖ കോമേഴ്​സ്​ പരിശീലന കേന്ദ്രമായ ‘ഇലാൻസി’ന്​ വീണ്ടും ചരിത്രനേട്ടം. 2024 മാർച്ചിൽ നടന്ന എസിസിഎ (അസോസിയേഷൻ ഓഫ്​ ചാർട്ടേഡ്​ സർട്ടി​ഫൈഡ്​ അക്കൗണ്ട്​സ്​) യുടെ 13 വിഷയങ്ങളിലായി നടന്ന പരീക്ഷയിൽ 1000 ലധികം പരീക്ഷാഫലങ്ങളിൽ ഉയർന്ന മാർക്കുകളുമായാണ്​ ഇവിടെയുള്ള വിദ്യാർത്ഥികൾ​ ‘1000 പ്ലസ്​ പാസ്’​ കരസ്​ഥമാക്കിയിരിക്കുന്നത്​.

2023 ഡിസംബറിൽ നടന്ന എസിസിഎ പരീക്ഷയിലും ഇലാൻസിലെ വിദ്യാർത്ഥികൾ 1000 പ്ലസ്​ പാസ്​ വിജയത്തിന്​ അർഹരായിരുന്നു. ഇതര പരിശീലനകേന്ദ്രങ്ങളെ ബഹുദൂരം പിൻതള്ളി തുടർച്ചയായി ചരിത്രവിജയം കാഴ്ചവെക്കുകവഴി എസിസിഎ പരീക്ഷാഫലങ്ങളുടെ ചരിത്രത്തിൽ അപൂർവ്വ നേട്ടമാണ്​ കൈവരിച്ചിരിക്കുന്നത്​​.
കഴിഞ്ഞ അഞ്ച്​ വർഷത്തിനിടെ നടന്ന എസിസിഎ പരീക്ഷകളിൽ 29 വേൾഡ്​ റാങ്കുകളും 56 നാഷണൽ റാങ്കുകളും നേടിയ ‘ഇലാൻസ്​’ നേരത്തെതന്നെ ഒമ്പത്​ വിഷയങ്ങളിൽ അഞ്ചിലും​ അഖിലേന്ത്യാതലത്തിൽ റാങ്കുകൾ കരസ്ഥമാക്കിയിരുന്നു. ഇതിന്​ പുറമെയാണ്​ ലോകത്തിലെ ഏറ്റവും മികച്ചതും ഗുണനിലവാരമുള്ള എ.സി.സി.എ പഠനകേന്ദ്രങ്ങൾക്ക്​ നൽകിവരുന്ന ‘പ്ലാറ്റിനം അപ്രൂവൽ’ ഇലാൻസിനെ തേടിയെത്തിയത്​​. ഇന്ത്യയിലെ വിരലിലെണ്ണാവുന്ന ഇൻസ്റ്റിറ്റ്യൂട്ടുകൾക്ക്​ മാത്രമാണ്​ ഈ അംഗീകാരം ലഭിച്ചിരിക്കുന്നതെന്നതും ശ്രദ്ധേയമാണ്​.

എസിസിഎനിഷ്കർഷിക്കുന്ന മാനദണ്ഡങ്ങൾ പാലിച്ചുകൊണ്ട്​ പഠനത്തിന് അനുയോജ്യവും മികച്ചതുമായ അന്തരീക്ഷത്തിൽ ഉയർന്ന നിലവാരമുള്ള അധ്യാപനവും വിദ്യാർത്ഥികൾക്ക്​ പഠനകാര്യങ്ങളിലും മറ്റും മാനസികമായ പിന്തുണയും നൽകിവരുന്ന സ്ഥാപനങ്ങൾക്ക്​ മാത്രമാണ്​ ‘പ്ലാറ്റിനം അപ്രൂവൽ’ ലഭിക്കുന്നത്​.
നിലവിൽ എസിസിഎ, സിഎ, സിഎംഎ കോഴ്​സുകൾക്കുള്ള പരിശീലനം നൽകിവരുന്ന ഇലാൻസിലെ വിദ്യാർത്ഥികൾ കഴിഞ്ഞ സി.എം.എ പരീക്ഷയിൽ 500 ൽ 450 മാർക്ക്​ നേടി​ ദേശീയതലത്തിൽ മികച്ച പ്രകടനംകാഴ്ചവച്ചു.

അധ്യാപകർ ഉൾപ്പെടുന്ന പാനലിൻറെയും വിദ്യാർത്ഥികളുടെയും കഠിനാദ്ധ്വാനം കൊണ്ടാണ്​ നേട്ടങ്ങൾ കൈവരിക്കാൻ കഴിഞ്ഞതെന്ന്​ ‘ഇലാൻസ്​’ സി.ഇ.ഒ പി.വി. ജിഷ്ണു പറഞ്ഞു. അധ്യാപകർക്ക്​ പുറമെ വിദ്യാർത്ഥികളെ പഠനകാര്യങ്ങളിൽ സഹായിക്കാനും വഴികാട്ടാനുമായി കാമ്പസിനകത്ത്​ ‘മെൻറർ’മാരെയും ‘കോ-ഓഡിനേറ്റർ’മാരെയും ആദ്യമായി നിയമിച്ചതും ലോകത്ത്​ ആദ്യമായി 24 മണിക്കൂറും സേവനം ലഭിക്കുന്ന നിർമ്മിതബുദ്ധി സാ​ങ്കേതികവിദ്യയിൽ അധിഷ്ഠിതമായ ‘എ.ഐ മെൻററെ’ ഉൾപ്പെടുത്തിക്കൊണ്ട് എസിസിഎക്ക്​ ‘സ്റ്റഡിപ്ലാനർ ആപ്പ്​’വികസിപ്പിച്ചതും ‘ഇലാൻസ്​’ ആണെന്നും ഇതിൻറെയെല്ലാം ഫലമാണ്​ ഈ നേട്ടങ്ങളെന്നും ​അദ്ദേഹം പറഞ്ഞു. ആഗോളതലത്തിലെ തൊഴിലവസരങ്ങളെക്കുറിച്ചുള്ള അറിവുകൾ പകരുന്ന ‘സ്റ്റഡി-ബഡി’ എന്ന എന്ന സംവിധാനവും ഈ ആപ്പിൻറെ ഭാഗമാണ്​.

Read Also: സംസ്ഥാനത്ത് ഇനി നാലുവർഷ ബിരുദ കോഴ്സുകൾ; ഉന്നതവിദ്യാഭ്യാസ മേഖലയിൽ മാറ്റം; പ്രതീക്ഷകൾ അനവധി

2018 ൽ 22 വിദ്യാർത്ഥികളുമായി കോഴിക്കോട്​ പ്രവർത്തനം തുടങ്ങിയ സ്ഥാപനമാണ്​ നിലവിൽ സംസ്ഥാനത്തിന്​ തന്നെ അഭിമാനമായ പഠനകേന്ദ്രമായി വളർന്നിരിക്കുന്നത്​.

Story Highlights : Historical achievement for Elance with1000 plus pass