ഇരച്ചെത്തി വെള്ളം; വയനാട് ഉരുൾപൊട്ടലിന്റെ നടുക്കുന്ന ദൃശ്യങ്ങൾ

മുണ്ടക്കൈ-ചൂരൽമല ഉരുൾപൊട്ടൽ ദുരന്തത്തിന്റെ ദൃശ്യങ്ങൾ പുറത്ത്. ചൂരൽമലയിലെ കടയിലെ സിസിടിവി ദൃശ്യങ്ങളാണ് പുറത്തുവന്നത്. ദുരന്തത്തിന്റെ വ്യാപ്തി വ്യക്തമാക്കുന്നതാണ് ദൃശ്യങ്ങളിലുള്ളത്. സിസിടിവി ദൃശ്യങ്ങൾ ട്വന്റിഫോറിന് ലഭിച്ചു. ചൂരൽമല ടൗണിലെ കടയിലേക്ക് വെള്ളം ഇരച്ചെത്തുന്നതാണ് ദൃശ്യങ്ങൾ‌.

ജൂലൈ 30ന്‌ പുലർച്ചെ 1.09ന് ഉണ്ടായ ആദ്യ ഉരുൾപൊട്ടലിന്റെ ദൃശ്യങ്ങളാണ് സിസിടിവിയിൽ‌ പതിഞ്ഞിരിക്കുന്നത്. കടയിലെ സാധനങ്ങൾ വെള്ളത്തിൽ ഒഴുകി നടക്കുന്നത് ദൃശ്യങ്ങളിൽ വ്യക്തമാണ്. രണ്ട് കടകളിലെ സിസിടിവി ദൃശ്യങ്ങളാണ് ഇപ്പോൾ‌ പുറത്തുവന്നിരിക്കുന്നത്. ചളിയും തടിയും ഉൾപ്പെടെയുള്ളവയാണ് കടയിലേക്ക് മലവെള്ളപാച്ചിലിൽ ഇരച്ചെത്തിയത്.

നേരത്തെ ഉരുൾപൊട്ടലിൽ തകർന്ന മുണ്ടക്കൈ പള്ളിയുടെ സി.സി.ടി.വി ദൃശ്യങ്ങൾ പുറത്തുവന്നിരുന്നു. ജൂലൈ 30 ന് പുലർച്ചെ 1.44 വരെ ശക്തമായി മഴ പെയ്യുന്നതിൻ്റെയടക്കം ദൃശ്യങ്ങളാണ് പുറത്തുവന്നത്. ജൂലൈ 26 ന് മുണ്ടക്കൈ പള്ളിയിൽ നടന്ന പ്രാർത്ഥനയ്ക്ക് ആളുകൾ വരുന്നതും പോകുന്നതും ദൃശ്യങ്ങളിലുണ്ട്‌. ദുരന്തത്തിന് വഴിവച്ച മഴയുടെ പെയ്തത് എത്രത്തോളം തീവ്രമാണെന്ന് ദൃശ്യങ്ങളിൽ വ്യക്തമാണ്. ഉരുൾപൊട്ടലിൽ മുണ്ടക്കൈ പള്ളി പൂർണമായും തകർന്നിരുന്നു.

Story Highlights : Shocking CCTV footage of Wayanad Mundakkai- Chooralmala landslide