പിപി ദിവ്യയെ ജില്ലാ പഞ്ചായത്ത് പ്രസിഡന്റ് സ്ഥാനത്ത് നിന്ന് നീക്കിയതില്‍ ഭാഗികമായി ആശ്വാസം; നവീന്‍ ബാബുവിന്റെ സഹോദരന്‍

പിപി ദിവ്യയെ കണ്ണൂര്‍ ജില്ലാ പഞ്ചായത്ത് പ്രസിഡന്റ് സ്ഥാനത്ത് നിന്ന് നീക്കിയ നടപടിയില്‍ ഭാഗികമായി ആശ്വാസം കണ്ടെത്തുന്നുവെന്ന് നവീന്‍ ബാബുവിന്റെ സഹോദരന്‍ അഡ്വ. പ്രവീണ്‍ ബാബു. അതേസമയം, താന്‍ കൊടുത്ത പരാതിയില്‍ എല്ലാ തരത്തിലുള്ള നടപടിയുമുണ്ടായി ശിക്ഷ നടപ്പാക്കിയാല്‍ മാത്രമേ പൂര്‍ണമായ ആശ്വാസം ലഭിച്ച് സന്തോഷിക്കുന്ന സ്ഥിതിയുണ്ടാകൂവെന്ന് അദ്ദേഹം വ്യക്തമാക്കി. താന്‍ കൊടുത്ത പരാതിയില്‍ എഫ്‌ഐആര്‍ ഇട്ട് അതില്‍ അന്വേഷണം നടത്തണമെന്നാണ് ആവശ്യമെന്നും അദ്ദേഹം വ്യക്തമാക്കി.

ക്ഷണിക്കപ്പെടാത്ത വേദിയിലേക്ക് ജില്ലാ പഞ്ചായത്ത് പ്രസിഡന്റ് കടന്ന് വന്നതിലും അനുചിതമായ സംഭാഷണം നടത്തിയതിലും എന്തോ ഗൂഢാലോചനയുണ്ടെന്ന് അദ്ദേഹം ആരോപിച്ചു. പത്തനംതിട്ട ജില്ലാ ഘടകം ഒപ്പം നില്‍ക്കുന്നതിലും പിന്തുണയ്ക്കുന്നതിലും സന്തോഷമുണ്ടെന്നും അദ്ദേഹം പറഞ്ഞു.

Read Also: ‘യാത്രയയപ്പ് ചടങ്ങ് ഒഴിവാക്കണമെന്ന് നവീന്‍ ആവശ്യപ്പെട്ടിരുന്നു, നടത്തിയത് കളക്ടര്‍’ ; അന്വേഷണം വേണമെന്ന് പത്തനംതിട്ട സിപിഐഎം

അതേസമയം, കണ്ണൂര്‍ കലക്ടര്‍ക്കെതിരെ പത്തനംതിട്ട സിപിഐഎം രംഗത്തെത്തിയിട്ടുണ്ട്. യാത്രയയപ്പ് ചടങ്ങ് ഒഴിവാക്കണമെന്ന് നവീന്‍ ബാബു ആവശ്യപ്പെട്ടുവെന്നും ചടങ്ങ് നടത്തിയത് ജില്ലാ കലക്ടര്‍ ആണെന്നുമാണ് വെളിപ്പെടുത്തല്‍. രാവിലെ നടത്തേണ്ട പരിപാടി വൈകീട്ട് ആക്കിയത് ദിവ്യക്ക് വേണ്ടിയെന്ന സംശയവും ഉയരുന്നുണ്ട്. കളക്ടര്‍ക്കെതിരെയും അന്വേഷണം വേണമെന്ന് സിപിഐഎം ജില്ലാ കമ്മിറ്റി അംഗം മലയാലപ്പുഴ മോഹനന്‍ 24 നോട് പറഞ്ഞു.

Story Highlights : Naveen Babu’s brother about action against PP Divya