പിഎം ആയുഷ്‌മാൻ ഭാരത് ആരോഗ്യ പരിരക്ഷ പദ്ധതി; 70 വയസിന് മുകളിൽ പ്രായമുള്ളവർക്കും ഇനി ഇൻഷുറൻസ്

കേന്ദ്ര സർക്കാരിൻ്റെ അഭിമാന പദ്ധതിയായ ആയുഷ്മാൻ ഭാരത് ആരോഗ്യ ഇൻഷുറൻസ് ഇനി മുതൽ 70 വയസിന് മുകളിൽ പ്രായമുള്ളവർക്കും ലഭിക്കും. ഈ പ്രായക്കാർക്ക് ആയുഷ്‌മാൻ വേ വന്ദന കാർഡ് ഉയോഗിച്ച് പദ്ധതിയിൽ അംഗമാകാമെന്ന് പ്രധാനമന്ത്രി വ്യക്തമാക്കി. ദില്ലിയിലും ബംഗാളിലും ഈ സേവനം ലഭിക്കില്ലെന്നും ഇവിടങ്ങളിലെ സർക്കാർ കേന്ദ്ര പദ്ധതിക്കെതിരാണെന്നും പ്രധാനമന്ത്രി നരേന്ദ്ര മോദി വിമർശിച്ചു.

ആശുപത്രിയിൽ കിടത്തി ചികിത്സയ്ക്ക് വിധേയരാകുന്ന രോഗികൾക്ക് 5 ലക്ഷം രൂപ വരെ പരിരക്ഷ ഉറപ്പാക്കുന്നതാണ് ഈ പദ്ധതി. ദരിദ്രർ മുതൽ അതിസമ്പന്നർ വരെ ആർക്കും ഈ പദ്ധതിയിൽ അംഗമാകാം. ഒരു കുടുംബത്തില്‍ ഒന്നിലേറെ പേര്‍ പദ്ധതിയില്‍ അംഗങ്ങളാണെങ്കില്‍ കവറേജ് പങ്കുവയ്ക്കും. രാജ്യത്ത് ഇതിനോടകം ജനപ്രീതിയാർജ്ജിച്ച പദ്ധതിയാണിത്.

Story Highlights : PM Modi extends Ayushman Bharat scheme for people above 70 years