റാഡിസണ്‍ പാര്‍ക്ക് ഇന്‍ ആന്‍ഡ് സ്യൂട്ട്‌സ് തൃശൂരില്‍ പ്രവര്‍ത്തനം ആരംഭിച്ചു

ജോസ് ആലുക്കാസ് ഗ്രൂപ്പിന്റെ സംയുക്ത സംരംഭമായ റാഡിസണിന്റെ പാര്‍ക്ക് ഇന്‍ & സ്യൂട്ട്‌സ് 2024 ഡിസംബര്‍ 6ന് കേരളത്തിന്റെ സാംസ്‌കാരിക തലസ്ഥാനമായ തൃശൂരില്‍ പ്രവര്‍ത്തനം ആരംഭിച്ചു. 66 ലക്ഷ്വറി റൂമുകളും സ്യൂട്ടുകളും, കൂടാതെ പാര്‍ട്ടികള്‍ക്കും മീറ്റിംഗുകള്‍ക്കും അനുയോജ്യമായ വിശാലമായ ബാങ്ക്വറ്റ് ഹാളുകളും ലഭ്യമാണ്. (radisson park jos alukkas)

നഗരത്തിനുള്ളില്‍ തന്ത്രപരമായി സ്ഥിതി ചെയ്യുന്ന, റാഡിസണ്‍ പാര്‍ക്ക് ഇന്‍ ആന്‍ഡ് സ്യൂട്ട്‌സില്‍ നിന്നും പ്രധാന വാണിജ്യ മേഖലകളിലേക്കും, കൊച്ചി സേലം ഹൈവേയിലേക്കും എളുപ്പത്തില്‍ എത്തിച്ചേരാന്‍ കഴിയും. ഗുരുവായൂര്‍ ക്ഷേത്രം, ചരിത്രപ്രസിദ്ധമായ കൊടുങ്ങല്ലൂര്‍, പ്രശസ്ത ആയുര്‍വേദ കേന്ദ്രങ്ങള്‍ തുടങ്ങിയ ഇടങ്ങളിലേക്കുള്ള യാത്രക്കാര്‍ക്കും തൃശൂരില്‍ ലഭ്യമാകുന്ന ഏറ്റവും മികച്ച ലക്ഷ്വറി ഹോട്ടലാണ് റാഡിസന്റെ പാര്‍ക്ക് ഇന്‍ ആന്‍ഡ് സ്യൂട്ട്‌സ്.

‘റാഡിസണ്‍ ഹോട്ടല്‍ ഗ്രൂപ്പുമായി സഹകരിച്ച് തൃശ്ശൂരിലേക്ക് റാഡിസണിന്റെ പാര്‍ക്ക് ഇന്‍ & സ്യൂട്ടുകള്‍ കൊണ്ടുവരുന്നതില്‍ ഞങ്ങള്‍ സന്തുഷ്ടരാണ്. ലോകോത്തര ഹോസ്പിറ്റാലിറ്റി അനുഭവങ്ങള്‍ നല്‍കാനുള്ള ജോസ് ആലുക്കാസിന്റെ പ്രതിബദ്ധതയാണ് ഈ ഹോട്ടല്‍ പ്രതിഫലിപ്പിക്കുന്നത്,’ ജോസ് ആലുക്കാസ് ഗ്രൂപ്പ് ചെയര്‍മാന്‍ ജോസ് ആലുക്ക പറഞ്ഞു.

ഇന്ത്യയിലെ പ്രമുഖ ബിസിനസ്സ് കേന്ദ്രമായ തൃശൂരില്‍ വൈവിധ്യമാര്‍ന്ന വ്യവസായങ്ങളും വാണിജ്യ കേന്ദ്രങ്ങളും പ്രവര്‍ത്തിക്കുന്നുണ്ട്. റാഡിസണിന്റെ പാര്‍ക്ക് ഇന്‍ ആന്‍ഡ് സ്യൂട്ട്‌സില്‍ മീറ്റിംഗുകള്‍, കോണ്‍ഫറന്‍സുകള്‍, കോര്‍പ്പറേറ്റ് ഇവന്റുകള്‍ എന്നിവയ്ക്കായി അത്യാധുനിക സൗകര്യങ്ങള്‍ സജ്ജീകരിച്ചിരിച്ചിട്ടുണ്ട്.

‘റാഡിസണ്‍ ഹോട്ടല്‍ ഗ്രൂപ്പ് പോലെയുള്ള ആഗോള പ്രശസ്തമായ ഹോസ്പിറ്റാലിറ്റി ബ്രാന്‍ഡുമായി സഹകരിക്കുന്നതില്‍ ഞങ്ങള്‍ക്ക് സന്തോഷമുണ്ട്. ഈ സഹകരണം ജോസ് ആലുക്കാസ് ഗ്രൂപ്പിന്റെ ഒരു സുപ്രധാന നാഴികക്കല്ലാണ് . തൃശ്ശൂരിലെ റാഡിസണിന്റെ പാര്‍ക്ക് ഇന്‍ & സ്യൂട്ട്‌സിലെ ഞങ്ങളുടെ അതിഥികള്‍ക്ക് ആഡംബരവും സുഖസൗകര്യങ്ങളും ഇതര യാത്രാ ക്രമീകരണങ്ങളും ഞങ്ങള്‍ക്ക് ഉറപ്പ് നല്‍കുന്നു. ‘ റാഡിസണ്‍ ഹോട്ടല്‍ ഗ്രൂപ്പുമായുള്ള പങ്കാളിത്തത്തെക്കുറിച്ച് ജോസ് ആലുക്കാസ് ഗ്രൂപ്പിന്റെ മാനേജിംഗ് ഡയറക്ടര്‍ വര്‍ഗീസ് ആലുക്ക പ്രതികരിച്ചു.

പി ബാലചന്ദ്രന്‍, എം.എല്‍.എ തൃശൂര്‍, ടി എസ് പട്ടാഭിരാമന്‍, കല്യാണ്‍ സില്‍ക്‌സ് ചെയര്‍മാന്‍ & എം.ഡി, ജോസ് ആലുക്ക,ചെയര്‍മാന്‍,ജോസ് ആലുക്കാസ് ഗ്രൂപ്പ്, ജോസ് ആലുക്കാസ് ഗ്രൂപ്പ് മാനേജിങ് ഡയറക്ടര്മാരായ വര്‍ഗീസ് ആലുക്കാസ്, പോള്‍ ജെ ആലുക്കാസ്, ജോണ്‍ ആലുക്കാസ്, നിഖില്‍ ശര്‍മ്മ, മാനേജിംഗ് ഡയറക്ടര്‍ & ഏരിയ സീനിയര്‍ വൈസ് പ്രസിഡന്റ്, റാഡിസണ്‍ ഗ്രൂപ്പ് , സഞ്ജയ് കൗശിക്, സീനിയര്‍ റീജിയണല്‍ ഡയറക്ടര്‍ ഓപ്പറേഷന്‍സ്, റാഡിസണ്‍ ഗ്രൂപ്പ്, സിദ്ധാര്‍ഥ് ഗുപ്ത, കോ- ഫൗന്‍ഡര്‍ & സി.ഇ.ഒ ട്രീബോ ഹോസ്പിറ്റാലിറ്റി വെഞ്ചേഴ്‌സ് തുടങ്ങിയവര്‍ ചടങ്ങില്‍ പങ്കെടുത്തു.

Story Highlights : radisson park jos alukkas