‘നീതി ലഭിക്കണം, സത്യം പുറത്ത് വരണം; കുറ്റക്കാർക്കെതിരെ ശക്തമായ നടപടിയെടുക്കണം’; ഷഹ്‌സാദി ഖാന്റെ പിതാവ്

തനിക്ക് നീതി ലഭിക്കണമെന്ന് യുഎഇയിൽ വ​ധ​ശി​ക്ഷ​ക്കി​ര​യാ​യ ഷഹ്സാദി ഖാന്റെ പിതാവ് ഷബീർ ഖാൻ. കുറ്റക്കാർക്ക് എതിരെ ശക്തമായ നടപടിയെടുക്കണം. കേസ് സിബിഐ അന്വേഷിയ്ക്കണമെന്നും ഷബീർ ഖാൻ ട്വന്റി ഫോറിനോട് പറഞ്ഞു. സംഭവത്തിൽ സി ബി ഐ അന്വേഷണം വേണമെന്നും മകളുടെ സാധനങ്ങളും പാസ്പോർട്ടും വിട്ടു നൽകണമെന്നും ഷബീർ ഖാൻ ആവശ്യപ്പെടുന്നു.

സത്യം പുറത്ത് വരണമെന്ന് ഷബീർ ഖാൻ പറഞ്ഞു. കഴിഞ്ഞമാസം 15നാണ് വധശിക്ഷ നടപ്പിലാക്കിയത്. കുടുംബത്തെ വിവരം അറിയിച്ചത് മാർച്ച് മൂന്നിനാണ്. ഷഹ്സാദിഖാൻ സഹോദരന്റെ കല്യാണത്തിന് നാട്ടിലേക്ക് എത്താൻ ഇരുന്നതായിരുന്നു ഷഹ്സാദി ഖാൻ. ഇന്ത്യൻ ദമ്പതികളുടെ നാലര മാസം പ്രായമുള്ള കുഞ്ഞ് മരിച്ചതിനെ തുടർന്ന് അവർ നൽകിയ കേസിലാണ് വീട്ടുജോലിക്കാരിയായിരുന്ന ഷഹ്സാദിക്കെതിരെ അബുദാബി കോടതി വധശിക്ഷ വിധിച്ചത്.

Read Also: കുഞ്ഞ് മരിച്ച കേസ്; ഇന്ത്യൻ വനിതയുടെ വധശിക്ഷ നടപ്പാക്കി യുഎഇ

മകളുടെ അവസ്ഥ അറിയാൻ ഷഹ്സാദിയുടെ പിതാവ് ഷാബിർ ഖാൻ ഡൽഹി ഹൈക്കോടതിയിൽ ഹർജി നൽകിയതോടെയാണ് വധശിക്ഷ വിവരം പുറത്തുവന്നത്. വധശിക്ഷ വൈകാതെ നടപ്പിലാക്കുമെന്ന് അധികൃതർ അറിയിച്ചതിനെ തുടർന്ന് അവസാന ആഗ്രഹമെന്ന നിലയിൽ യുവതി യുപിയിലെ വീട്ടിലേക്ക് വിളിച്ച് കുടുംബത്തോട് സംസാരിച്ചിരുന്നു. ഷെഹ്സാദി 2021ലാണ് അബുദാബിയിലെത്തിയത്.

Story Highlights : Shabir Khan, father of Shahzadi Khan, who was sentenced to death in UAE