അമിത് ഷായുടെ ചെന്നൈ സന്ദർശനം ബിജെപി അധ്യക്ഷനെ തീരുമാനിക്കാനല്ല; കെ അണ്ണാമലൈ

അമിത് ഷായുടെ ചെന്നൈ സന്ദർശനം ബിജെപി അധ്യക്ഷനെ തീരുമാനിക്കാനല്ലെന്ന് കെ അണ്ണാമലൈ. സന്ദർശനം പാർട്ടിപ്രവർത്തനം വിലയിരുത്താൻ. സന്ദർശനം എന്തിനെന്ന് നാളെ വ്യക്തമാക്കാം. അടുത്തിടെ അന്തരിച്ച തമിഴ്‌നാട് കോൺഗ്രസ് കമ്മിറ്റി (ടിഎൻസിസി) മുൻ പ്രസിഡന്റ് കുമാരി അനന്തന്റെ മകളും മുതിർന്ന ബിജെപി നേതാവുമായ തമിഴിസൈ സൗന്ദരരാജന്റെ വീട്ടിൽ പുഷ്പാർച്ചന നടത്തിയ ശേഷം മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം.

വെള്ളിയാഴ്ച ഷായുടെ സന്ദർശനത്തെക്കുറിച്ച് പാർട്ടി ഔദ്യോഗികമായി മാധ്യമങ്ങളെ അറിയിക്കുമെന്ന് അണ്ണാമലൈ പറഞ്ഞു.സംസ്ഥാന നിയമസഭ പാസാക്കുന്ന ബില്ലുകളിൽ ഗവർണർമാർക്ക് തീരുമാനമെടുക്കാനുള്ള സമയപരിധി നിശ്ചയിക്കുന്നതിനെക്കുറിച്ചുള്ള സുപ്രീം കോടതി വിധി വളരെ പ്രധാനപ്പെട്ട ഒരു വിധിയാണ്, എല്ലാവരും സുപ്രീം കോടതിയുടെ വിധിയെ മാനിക്കണമെന്നും അദ്ദേഹം പറഞ്ഞു.

പിഎംകെ സ്ഥാപകൻ എസ്. രാമദോസ് പാർട്ടിയുടെ പ്രസിഡന്റായി സ്വയം പ്രഖ്യാപിക്കുകയും മകൻ അൻപുമണി രാമദോസിനെ പാർട്ടിയുടെ വർക്കിംഗ് പ്രസിഡന്റായി നിയമിക്കുകയും ചെയ്തതിനെക്കുറിച്ച് ചോദിച്ചപ്പോൾ, ബിജെപി തമിഴ്‌നാട് മറ്റ് പാർട്ടികളുടെ ആഭ്യന്തര കാര്യങ്ങളിൽ ഇടപെടില്ലെന്ന് അണ്ണാമലൈ പറഞ്ഞു.

Story Highlights :k annamalai on amit shah visit in chennai