ജീത്തു ജോസഫിന്റെ’വലതുവശത്തെ കള്ളൻ’ ; ചിത്രീകരണം ആരംഭിച്ചു

ബിജു മേനോൻ, ജോജു ജോർജ് എന്നിവരെ പ്രധാന കഥാപാത്രങ്ങളാക്കി ജീത്തു ജോസഫ് സംവിധാനം ചെയ്യുന്ന “വലതു വശത്തെ കള്ളൻ ” എന്ന ചിത്രത്തിൻ്റെ ചിത്രീകരണം കൊച്ചിയിൽ ആരംഭിച്ചു.ഇടപ്പള്ളി ത്രീ ഡോട്ട്സ് ഫിലിം സ്റ്റുഡിയോയിൽ വെച്ച് നടന്ന ചടങ്ങിൽ പ്രശസ്ത നിർമ്മാതാവ് ലിസ്റ്റിൻ സ്റ്റീഫൻ സ്വിച്ചോൺ കർമ്മം നിർവ്വഹിച്ചു. ജോജു ജോർജ് ആദ്യ ക്ലാപ്പടിച്ചു.

Read Also: നരിവേട്ട ഓർമിപ്പിക്കുന്ന മുത്തങ്ങയുടെ ഭൂത-വർത്തമാന കാലം; ചിത്രം വൻവിജയത്തിലേക്ക്

ലെന,നിരഞ്ജന അനൂപ്,ഇർഷാദ്,ഷാജു ശ്രീധർ, സംവിധായകൻ ശ്യാമപ്രസാദ്,മനോജ്.കെ യു ലിയോണാ ലിഷോയ്,കിജൻ രാഘവൻ എന്നിവരാണ് മറ്റു പ്രമുഖ താരങ്ങൾ.ബഡ് സ്റ്റോറീസ്സുമായി സഹകരിച്ച് ആഗസ്റ്റ് സിനിമയുടെ ബാനറിൽ ഷാജി നടേശൻ നിർമ്മിക്കുന്ന ഈ ചിത്രത്തിന്റെ ഛായാഗ്രഹണം സതീഷ് കുറുപ്പ് നിർവ്വഹിക്കുന്നു.എക്സിക്കുട്ടീവ് പ്രൊഡ്യൂസർ-കെറ്റിനാ ജീത്തു,മിഥുൻ ഏബ്രഹാം,
സിനി ഹോളിക്സ് സാരഥികളായ ടോൺസൺ,സുനിൽ രാമാടി,പ്രശാന്ത് നായർ എന്നിവരാണ് സഹനിർമ്മാതാക്കൾ.ഡിനു തോമസ് ഈലൻ തിരക്കഥ സംഭാഷണമെഴുതുന്നു.സംഗീതം-വിഷ്ണു ശ്യാം,എഡിറ്റിംഗ്- വിനായക്.

Story Highlights :The shooting of the film ‘Valathu Vashathe Kallan’ directed by Jeethu Joseph, has begun in Kochi