ഇഗ്നാത്തിയോസ് അഫ്രേം രണ്ടാമന്‍ പാത്രിയര്‍ക്കീസ് ബാവയുടെ ശ്ലൈഹീക സന്ദര്‍ശനം തുടങ്ങി

സുറിയാനി സഭയുടെ പരമാധ്യക്ഷന്‍ ഇഗ്നാത്തിയോസ് അഫ്രേം രണ്ടാമന്‍ പാത്രിയര്‍ക്കീസ് ബാവയുടെ ശ്ലൈഹീക സന്ദര്‍ശനം തുടങ്ങി. ഇന്ന് രാവിലെ നെടുമ്പാശ്ശേരി വിമാനത്താവളത്തിലെത്തിയ എത്തിച്ചേര്‍ന്ന ബാവ വൈകിട്ട് പുത്തന്‍ കുരിശ് പാത്രിയര്‍ക്കാ സെന്ററില്‍ ചേരുന്ന പ്രാദേശിക സുന്നഹദോസില്‍ സംബന്ധിക്കും. തുടര്‍ന്ന് മാധ്യമങ്ങളെ കാണുന്ന ബാവ തുടര്‍ന്നുള്ള ദിവസങ്ങളില്‍ രാഷ്ട്രപതി, പ്രധാനമന്ത്രി, മന്ത്രിമാര്‍ എന്നിവരുമായി കൂടിക്കാഴ്ച നടത്തും. പുത്തന്‍കുരിശ് പാത്രിയര്‍ക്കാ സെന്റര്‍ സെന്റ് അത്തനേഷ്യസ് കത്തീഡ്രലില്‍ കുര്‍ബാന അര്‍പ്പിക്കും. മഞ്ഞനിക്കര ദയറാ, മലേക്കുരിശ് ദയറാ എന്നിവിടങ്ങളില്‍ ബാവ സന്ദര്‍ശനം നടത്തും.