ഫെയ്‌സ്ബുക്കിലെ ‘ട്രെൻഡിങ്’ വിഭാഗം നീക്കം ചെയ്യുന്നു

ഫെയ്‌സ്ബുക്കിൽ ആളുകൾ ഏറെ ചർച്ച ചെയ്യുന്ന വാർത്തകളും വിഷയങ്ങളും എളുപ്പം കണ്ടെത്തുന്നതിനായി 2014 ൽ അവതരിപ്പിച്ച ‘ട്രെൻഡിങ് ടോപ്പിക്ക്’ എന്ന ഫീച്ചർ ഫെയ്‌സ്ബുക്ക് നീക്കം ചെയ്യുന്നു.

ഫെയ്‌സ്ബുക്ക് നടത്തിയ ഒരു പഠനത്തിൽ ഈ ഫീച്ചർ ആളുകൾക്ക് ഉപകാരപ്രദമല്ലെന്ന് കണ്ടെത്തിയതിനെ തുടർന്നാണ് അത് നീക്കം ചെയ്യുന്നതെന്ന് ഫെയ്‌സ്ബുക്ക് വാർത്താകുറിപ്പിൽ പറഞ്ഞു. പകരം വാർത്തകളുടെ വിതരണത്തിന് പുതിയ വഴികൾ സ്വീകരിക്കും.

ആളുകൾ വാർത്തകൾ കണ്ടെത്തുന്ന രീതിയിൽ മാറ്റം വന്നിരിക്കുന്നു. മൊബൈൽ വഴിയാണ് ഫെയ്‌സ്ബുക്കിലെ വാർത്തകൾ കൂടുതൽ ആളുകളും കാണുന്നത്. അതും വാർത്താ വീഡിയോകൾ വഴിയാണ്. അതുകൊണ്ട് ആളുകളിലേക്ക് സമയത്തിന് വാർത്തകൾ എത്തിക്കുന്നതിനായി തങ്ങൾ പുതിയ വഴികൾ അന്വേഷിക്കുകയാണ്.