മുഖ്യമന്ത്രി നാളെ അമേരിക്കന്‍ മലയാളികളെ കാണും

ചികിത്സയുമായി ബന്ധപ്പെട്ട അമേരിക്കയില്‍ കഴിയുന്ന മുഖ്യമന്ത്രി പിണറായി വിജയന്‍ നാളെ അമേരിക്കന്‍ മലയാളികളെ കാണും. ന്യൂയോര്‍ക്കിലെ ദ ക്രൗണ്‍ പ്ലാസയില്‍ നടക്കുന്ന പരിപാടിയില്‍ മുഖ്യമന്ത്രി മലയാളികളെ അഭിസംബോധന ചെയ്യും. പ്രളയക്കെടുതിയുടെ പശ്ചാത്തലത്തില്‍ പുതിയ കേരളം സൃഷ്ടിക്കാന്‍ യുഎസ് മലയാളികള്‍ക്ക് എന്ത് ചെയ്യാനാകുമെന്ന കാര്യം മുഖ്യമന്ത്രി പരിപാടിയില്‍ പങ്കുവെച്ചേക്കും. പ്രളയകാലത്ത് കേരളത്തെ സഹായിക്കാൻ മുന്നോട്ടുവന്ന അമേരിക്കൻ മലയാളി സംഘടനാ ഭാരവാഹികളും പരിപാടിയിൽ പങ്കെടുത്ത് സംസാരിക്കും. ലോക കേരള സഭ അംഗങ്ങളും ചടങ്ങിൽ സന്നിഹിതരായേക്കും.