ഡബ്ല്യുസിസി ഹൈക്കോടതിയിലേക്ക്; ആഭ്യന്തര പരാതി സെല്‍ വേണമെന്ന് ആവശ്യം

മലയാള സിനിമാ മേഖലയിലെ വനിതാ കൂട്ടായ്മയായ ഡബ്ല്യുസിസി ഹൈക്കോടതിയിലേക്ക്. മലയാള സിനിമയില്‍ ആഭ്യന്തര പരാതി സെല്‍ വേണമെന്ന ആവശ്യവുമായാണ് സംഘടന ഹൈക്കോടതിയെ സമീപിച്ചിരിക്കുന്നത്. റീമാ കല്ലിങ്കലും പത്മപ്രിയയുമാണ് ഹര്‍ജിക്കാര്‍. സര്‍ക്കാറും എ.എം.എം.എയും എതിര്‍കക്ഷികളാണ്. ഹര്‍ജി നാളെ ഹൈക്കോടതി പരിഗണിക്കും. സിനിമാ രംഗത്തെ ലൈംഗിക ചൂഷണം അവസാനിപ്പിക്കണമെന്നാണ് ഹര്‍ജിയിലെ ആവശ്യം.