ഹര്‍ത്താലിന് ബിജെപിയുടെ പിന്തുണ; കര്‍ശന നടപടി സ്വീകരിക്കുമെന്ന് ഡിജിപി
0 minutes Read
ശബരിമല യുവതീ പ്രവേശനത്തിനെതിരെ ശബരിമല കര്‍മസമിതി ആഹ്വാനം ചെയ്ത ഹര്‍ത്താലിന് പിന്തുണ പ്രഖ്യാപിച്ച് ബിജെപിയും. ഇന്ന് രാത്രി 12 മുതലാണ് ഹര്‍ത്താല്‍. 24 മണിക്കൂര്‍ ഹര്‍ത്താലിനാണ് കര്‍മസമിതി ആഹ്വാനം ചെയ്തിരിക്കുന്നത്. അതേസമയം, ഹര്‍ത്താലിന് പിന്തുണ നല്‍കില്ലെന്നും സംസ്ഥാനത്തുടനീളം പ്രതിഷേധ പരിപാടികള്‍ സംഘടിപ്പിക്കുമെന്നുമാണ് കോണ്‍ഗ്രസ് നിലപാട്.
എന്നാല്‍, ഹര്‍ത്താലിനെ പ്രതിരോധിക്കാനാണ് സര്‍ക്കാര്‍ തീരുമാനം. ഹര്‍ത്താലിനോടനുബന്ധിച്ച് വാഹന ഗതാഗതം തടസപ്പെടുത്തുകയോ അക്രമങ്ങളില്‍ ഏര്‍പ്പെടുകയോ ചെയ്യുന്നവര്‍ക്കെതിരെ കര്‍ശന നടപടി സ്വീകരിക്കുമെന്ന് ഡിജിപി ലോക്‌നാഥ് ബെഹ്‌റ അറിയിച്ചു. നിയമവാഴ്ചയും സമാധാന അന്തരീക്ഷവും നിലനിര്‍ത്തുന്നതിനും അതിക്രമവും പൊതുമുതല്‍ നശീകരണവും തടയുന്നതിനും പൊതുജനം സഹകരിക്കണമെന്നും അദ്ദേഹം അഭ്യര്‍ത്ഥിച്ചു.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
English