ശബരിമലയില്‍ സുരക്ഷ ശക്തമാക്കി; കണ്ടാലറിയുന്ന 200 പേര്‍ക്കെതിരെ കേസ്

സന്നിധാനത്തുണ്ടായ അപ്രതീക്ഷിത പ്രതിഷേദത്തെ തുടര്‍ന്ന് പോലീസ് സുരക്ഷ കൂടുതല്‍ ശക്തമാക്കി. പ്രതിഷേധത്തില്‍ പങ്കെടുത്ത കണ്ടാലറിയാവുന്ന 200 പേര്‍ക്കെതിരെ പോലീസ് കേസെടുത്തു. ഉച്ചയ്ക്ക് 11.30 മുതല്‍ 2മണിവരെ അയ്യപ്പ ഭക്തരെ മലയിലേക്ക് കയറ്റിവിട്ടിരുന്നില്ല. ഈ സമയത്താണ് ദര്‍ശനം കഴിഞ്ഞവരെ താഴെ ഇറക്കിയത്. കഴിഞ്ഞ ദിവസം അറസ്റ്റിലായ കെ.പി ശശികല സന്നിധാനത്ത് ദര്‍ശനം നടത്തി. 6 മണിക്കൂര്‍ സമയമായിരുന്നു പൊലീസ് ശശികലയ്ക്ക് ദര്‍ശനത്തിന് അനുവദിച്ചിരുന്നത്. അതേസമയം കേന്ദ്ര ടൂറിസം സഹമന്ത്രി അല്‍ഫോന്‍സ് കണ്ണന്താനം ശബരിമല സന്ദര്‍ശനം നടത്തി. നിലക്കലിലേയും പമ്പയിലെയും അടിസ്ഥാന സൗകര്യങ്ങള്‍ പരിശോധിച്ച മന്ത്രി കടുത്ത അതൃപ്തിയാണ് രേഖപ്പെടുത്തിയത്.