മുന്നാക്ക വിഭാഗത്തിലെ പത്ത് ശതമാനം സംവരണം; കേന്ദ്രത്തിന് കോടതിയുടെ നോട്ടീസ്

മുന്നാക്ക വിഭാഗത്തിലെ പിന്നാക്കം നില്‍ക്കുന്നവര്‍ക്ക് പത്ത് ശതമാനം സംവരണം നല്‍കാനുള്ള കേന്ദ്ര സര്‍ക്കാരിന്റെ തീരുമാനത്തില്‍ കോടതിയുടെ ഇടപെടല്‍. മദ്രാസ് ഹൈക്കോടതി കേന്ദ്ര സര്‍ക്കാരിന് നോട്ടീസ് അയച്ചു. ഡിഎംകെ ഓര്‍ഗനൈസിംഗ് സെക്രട്ടറി ആര്‍.എസ് ഭാരതി വെള്ളിയാഴ്ച നല്‍കിയ ഹര്‍ജിയിലാണ് കോടതി കേന്ദ്ര സര്‍ക്കാരിന് നോട്ടീസ് അയച്ചത്. ഫെബ്രുവരി 18 ന് കേന്ദ്ര സര്‍ക്കാര്‍ കോടതിക്ക് മറുപടി നല്‍കണം. സംവരണത്തിന്റെ ഭരണഘടനാപരമായ അര്‍ത്ഥം ദാരിദ്ര്യ നിര്‍മ്മാജനമല്ലെന്ന് ഹര്‍ജിക്കാരന്‍ കോടതിയില്‍ പറഞ്ഞു. മുന്നാക്ക വിഭാഗത്തിലെ പത്ത് ശതമാനം സംവരണം ഭരണഘടനാവിരുദ്ധമാണെന്നും ഹര്‍ജിയില്‍ പറയുന്നു.