14
Jun 2021
Monday

കോടികളുടെ ഭൂമി സർക്കാരിന് നഷ്ടമാക്കിയതാര് ?

തൃശ്ശൂർ ബാനർജി ക്ലബ് കോടികളുടെ സർക്കാർ ഭൂമി കൈക്കലാക്കിയ വഴികൾ തുറന്നു കാട്ടുന്നു

ഹരീഷ് വാസുദേവ് / പുഴ മുതൽ നക്ഷത്രം വരെ

തൃശൂർ നഗരമദ്ധ്യത്തിൽ 51 സെന്റ് സ്ഥലം നിയമവിരുദ്ധമായി കൈവശം വെച്ചിരിക്കുന്ന നഗരത്തിലെ മുതലാളിമാരുടെ ക്ലബ്ബായ ബാനർജി ക്ലബ്ബിനു ഭൂമി തിരിച്ചു തരാൻ 2007 ൽ വി.എസ് സർക്കാർ നോട്ടീസ് കൊടുക്കുന്നു. നോട്ടീസിനെതിരെ ബാനർജി ക്ലബ് അഡ്വ.കെ.പി.ദണ്ഡപാണി വഴി ഹൈക്കോടതിയെ സമീപിക്കുന്നു. ഹൈക്കോടതി സിംഗിൾ ബെഞ്ച് 2008 ൽ കേസ് സർക്കാരിന് അനുകൂലമായി വിധിക്കുന്നു. 6 മാസത്തിനകം ഭൂമി സർക്കാരിനു തിരിച്ചു നൽകാൻ ഉത്തരവാകുന്നു. WPC No.28735 / 2005.

2008 ൽ ദണ്ഡപാണി വക്കീൽ വഴി ക്ലബ് ഡിവിഷൻ ബെഞ്ചിൽ അപ്പീൽ സമർപ്പിക്കുന്നു. ആ സർക്കാർ പോകുന്ന 2011 വരെ അപ്പീൽ വാദത്തിനു അടുപ്പിക്കുന്നില്ല. അഡ്വ.ദണ്ഡപാണി 2011 ൽ അഡ്വക്കറ്റ് ജനറൽ ആകുന്നു. ക്ലബ് അവരുടെ കേസ് മറ്റൊരു അഭിഭാഷകനെ ഏൽപ്പിക്കുന്നു.

സർക്കാരിനു വേണ്ടി ഹാജരായ സ്‌പെഷ്യൽ ഗവ. പ്ലീഡർ സുശീല ഭട്ട് ഡിവിഷൻ ബെഞ്ചിൽ ശക്തിയുക്തം സർക്കാരിനു വേണ്ടി വാദിക്കുന്നു. പൊടുന്നനെ അഡ്വ.ജനറൽ ഓഫീസിൽ നിന്ന് ഫയൽ വിളിപ്പിച്ച് ആ കേസ് അഡീ.അഡ്വക്കറ് ജനറൽ ജലീലിനെ ഏൽപ്പിക്കുന്നു. 2015 ൽ കേസ് വാദത്തിനു എടുപ്പിക്കുന്നു. കേസ് സർക്കാർ ദയനീയമായി തോൽക്കുന്നു. WA No.2423 of 2008.
കോടികൾ വിലമതിക്കുന്ന സർക്കാർ ഭൂമി ക്ലബിന് സ്വന്തം!! കേസ് സർക്കാർ തോറ്റതാണോ അതോ തോറ്റു കൊടുത്തതോ?

ഉമ്മൻ ചാണ്ടി സർക്കാരിന്റെ തട്ടിപ്പുകൾ അന്വേഷിക്കുന്ന മന്ത്രിസഭാ ഉപസമിതി ഇതും കൂടി അന്വേഷിക്കുമോ?

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top