വിമാനയാത്രയ്ക്കിടെ പ്രശ്നമുണ്ടാക്കിയാല് ഇനി യാത്രാ വിലക്ക്
യാത്രക്കിടെ പ്രശ്നങ്ങൾ സൃഷ്ടിക്കുന്നവർക്ക് യാത്രാവിലക്ക് ഏർപ്പെടുത്താൻ വ്യോമയാന മന്ത്രാലയം. കുഴപ്പക്കാരായ യാത്രക്കാരെ മൂന്നായി തിരിച്ചാണ് യാത്രാ വിലക്ക് ഏര്പ്പെടുത്തയിരിക്കുന്നത്. . ഇതിനായുള്ള കരട് ബില് തയ്യാറാക്കി കൊണ്ടിരിക്കുകയാണെന്ന് വ്യോമയാനമന്ത്രി അശോക് ഗണപതി രാജു വ്യക്തമാക്കി.
വിമാനയാത്രയ്ക്കിടെ അസഭ്യവാക്കുകള് ഉപയോഗിക്കുകയോ അശ്ലീല ആംഗ്യം കാണിക്കുകയോ ചെയ്യുന്നവർക്ക് മൂന്ന് മാസത്തെ യാത്രാ വിലക്കാണ് ഏര്പ്പെടുത്തുക. ശാരീരികമായി ഉപദ്രവിക്കുവാനോ ലൈംഗീകമായി അപമാനിക്കുവാനോ ശ്രമിക്കുന്ന യാത്രക്കാര്ക്ക് ആറ് മാസം വിലക്ക് നേരിടേണ്ടി വരും. ജീവന് ഭീഷണിയാവുന്ന തരത്തില് പെരുമാറുന്ന യാത്രക്കാര്ക്ക് രണ്ട് വര്ഷമോ അതില് കൂടുതലോ ആയിരിക്കും യാത്രാ വിലക്ക്.
ആഭ്യന്തരയാത്രക്കാര്ക്കുള്പ്പടെ ഈ നിര്ദേശം ബാധകമായിരിക്കും.പൊതുജനങ്ങളുടെ അഭിപ്രായം കൂടി സ്വീകരിച്ച ശേഷമായിരിക്കും ഇക്കാര്യത്തില് അന്തിമ നിയമനിര്മ്മാണം നടത്തുകയെന്നും വ്യോമയാന മന്ത്രി കൂട്ടിച്ചേർത്തു.ശിവസേന എം.പി രവീന്ദ്രഗെയ്ക്ക്വാദ് വിമാനയാത്രക്കിടെ വിമാനക്കമ്പനി ജീവനക്കാരനെ മര്ദ്ദിച്ച സംഭവത്തിന്റെ പശ്ചാത്തലത്തിലാണ് നടപടി.
indian airways, air india, shiva sena, sivasena mp Ravindra Gaikwad
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here