കേരളത്തിൽ റെക്കോർഡിട്ട് മദ്യ വിൽപ്പന

സംസ്ഥാനത്തെ മദ്യ വില്പനയിൽ റെക്കോർഡ് വർദ്ധന. ഉത്രാടദിനത്തിൽ വിറ്റ മദ്യത്തിന്റെ കണക്കാണ് ഇപ്പോൾ പുറത്തുവന്നിരിക്കുന്നത്. ഉത്രാടദിനമായ ഞായറാഴ്ച മാത്രം വിറ്റത് 71 കോടി രൂപയുടെ മദ്യം. കഴിഞ്ഞ വർഷം ഉത്രാടദിനത്തിൽ വിറ്റത് 37.62 കോടിയായിരുന്നു.

ഇരിങ്ങാലക്കുടയിലാണ് മദ്യം ഏറ്റവും കൂടുതൽ വിറ്റത്. ഇവിടെ മാത്രം 87 ലക്ഷം രൂപയുടെ മദ്യ വിൽപനയാണ് ഉണ്ടായത്. തിരുവോണദിനത്തിലെ കണക്കുകൾ ഇതുവരെ പുറത്തുവന്നിട്ടില്ല. ഇതുകൂടി പുറത്തുവന്നാൽ ബെവ്‌കോയുടെ വരുമാനം റെക്കോർഡിലെത്തുമെന്നാണ് കരുതുന്നത്.