ഇന്ധനവില ഉടൻ കുറയുമെന്ന് കേന്ദ്ര പെട്രോളിയം മന്ത്രി

ഇന്ധന വില കുത്തനെ ഉയരുന്ന സാഹചര്യത്തിൽ ശക്തമായ പ്രതിഷേധങ്ങൾ ഉയരുമ്പോൾ വരും ദിവസങ്ങളിൽ വില കുറയുമെന്നറിയിച്ച് കേന്ദ്ര പെട്രോളിയം മന്ത്രി ധർമേന്ദ്ര പ്രധാൻ. ദിവസേനയുള്ള ഇന്ധന വില നിർണയത്തിന്റെ പേരിൽ എണ്ണവില ഉയരുന്നതിന് കേന്ദ്രം വ്യാപക വിമർശനം നേരിടുകയാണ്.

അന്താരാഷ്ട്ര വിപണയിൽ ക്രൂഡ് ഓയിൽ വില ഉയർന്നതാണ് ആഭ്യന്തര വിപണിയിൽ ഇന്ധന വില ഉയരാൻ കാരണമായതെന്ന് മന്ത്രി വ്യക്തമാക്കി. വരും ദിവസങ്ങളിൽ ക്രൂഡ് ഓയിൽ വില താഴുമെന്നാണ് കരുതുന്നത്. ദിവസേനയുള്ള ഇന്ധന വില നിർണയം സുധാര്യമാണെന്നും ധർമേന്ദ്ര പ്രധാൻ പറഞ്ഞു.